The Telegraph. Մեքսիկացի նարկոբարոնի մարմինն առևանգել են սգո սրահից
Համաշխարհային Մամուլ
Մեքսիկայում թմրանյութերի առևտրով զբաղվող խմբի ամենահզոր ու դաժան ղեկավարներից մեկի մարմինը զինված խմբավորման կողմից առևանգվել է սգո սրահից այն բանից հետո, երբ նրան սպանել էին կառավարական ուժերը։
«Դահիճ» մականունով հայտնի Հերիբերտո Լացկանոն ղեկավարում էր Զետաների խմբավորումը, որը հայտնի էր դարձել իր վայրագ գործողություններով, այդ թվում՝ իրենց զոհերի գլուխները ցցերի վրա անցկացնելով։
Մեքսիկայի ռազմածովային ուժերի նավաստիները վերցրել են կիրակի օրը փոխադարձ կրակոցների արդյունքում զոհվածի մատնահետքերը, և, համեմատելով դրանք Լացկանոյի մատնահետքերի հետ, նշել, որ դրանք հենց նրան են պատկանում։
Նշենք, որ Լացկանոն Մեքսիկայում թմրանյութերի դեմ վեց տարի մղվող պատերազմի արդյունքում սպանված ամենազորեղ և կարևոր մարդն է։ Այդ պատերազմը վեց տարիների ընթացքում 60.000 մարդու կյանք է խլել։
ԱՄՆ-ը թմրանյութերի դեմ պայքարի գործակալությունը հայտնել է, որ սպասում է վերջնական հաստատման առ այն, որ սպանվածը հենց Լացկանոն է։ ԱՄՆ-ը նրա կալանավորման համար 5 միլիոն դոլարի պարգևատրում էր խոստացել։
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
