Միացիալ թագավորության դեսպանը հանդիպել է Գորիս համայնքի ղեկավարին

Միացիալ թագավորության դեսպան Ջոն Գալագերին աշխատանքային այցով Գորիսում էր: Այս մասին հայտնում են Գորիսի համայնքապետարանից։

«Դեսպանը հանդիպել է Գորիս համայնքի ղեկավարին:  Հանդիպման  շրջանակներում Ջոն Գալագերին ներկայացրել է սոցիալական ձեռներեցության զարգացմանը միտված և  տարբեր ոլորտներում իրականացվող ծրագրերի մասին:

Գորիս համայնքի ղեկավար Առուշ Առուշանյանը խոսել է տեղական տնտեսությունների զարգացմանն ուղղված համայնքային նախաձեռնություններից, առկա խնդիրներից: Հանդիպումը ճանաչողական բնույթ է կրել»,- ասվում է հաղորդագրությունում: