Ներգնա և արտագնա տուրիզմի թոփ 3 ուղղությունները

«Ամռան մեկնարկին զուգահեռ՝ Հայաստանում զբոսաշրջային մեծ ակտիվություն է նկատվում՝  թե′ ներգնա և թե′ արտագնա տուրիզմի առումով»,-ԼՈՒՐԵՐ.com-ի հետ զրույցում նշեց Պրոֆեսիոնալ զբոսավարների հայկական ասոցիացիայի նախագահ Յաշա Սոլոմոնյանը: 

Խոսելով տուրիզմի ակտիվացման ներկայիս միտումների մասին՝ նա նշեց, որ առկա տեմպերը  գոհացուցիչ են:

«Անսպասելի  էր հատկապես ռուսական շուկայի այս աստիճան ակտիվությունը մեր ուղղությամբ՝ հասկանալի պատճառներով»,-իր խոսքում նշեց Յ. Սոլոմոնյանը: 

Նրա խոսքով ակտիվացել է նաև եվրոպական ուղղությունների նկատմամբ հետաքրքրվածությունը՝ քովիդի հետ կապված սահմանափակումները հանելուց հետո, օրինակ, Իտալիա, Բելգիա, Հունաստան, Գերմանիա, Շբեյցարիա:  Ավելացրեց նաև, որ մեր ամենասիրած ուղղությունը շարունակում է մնալ Վրաստանը: 

Խոսելով 2022թ.  արտագնա և ներգնա տուրիզմի թոփ 3 ուղղությունների մասին՝ նշեց.

«Արտագնա տուրիզմի թոփ 3 ուղղություններն են՝  Եգիպտոսը, Արաբական Էմիրությունները, մասնավորապես՝ Դուբայը,  Վրաստանը: Հունաստան և Կիպրոս ուղղությունները նույնպես ակտիվ են:  Ներգնա տուրիզմի թոփ 3 ուղղություններն են՝  Գառնի -Գեղարդ, Սևանը-Դիլիջան, Նորավանք- Տաթև ուղղությունները»:

Նրա խոսքով՝ մեծ հետաքրքրվածություն կա նաև արշավային տուրիզմի ուղղությամբ

«Աշնանը նույնպես սպասում ենք հետաքրքիր տուրիստական ալիք»,- հավելեց նա: