ՀՀ ԱԻ նախարարը պարգևատրել է արտակարգ իրավիճակում ճիշտ կողմնորոշված ջրափրկարարներին

«ՀՀ արտակարգ իրավիճակների նախարար Արմեն Փամբուխչյանը պարգևատրել է այն ջրաձկարարներևին, որոնք հուլիսի 6-ին սևանա լճում մոտ 1 կմ լողալով՝ դուրս էին եկել Շորժա գյուղի մոտակա ափ, իրենց հետ դուրս բերելով նաև մոտորանավակը»,-հայտնում են ՀՀ ԱԻՆ-ից։

«Գեղարքունիքի մարզի Արտանիշ գյուղի մոտակայքում՝ Սևանա լճում, հուլիսի 6-ին հերթապահություն իրականացնող հատուկ ջրափրկարարական ջոկատի անձնակազմի հետ կապն ընդհատվել էր. մոտորանավակն ուժեղ քամուց շրջվել էր, և ջրափրկարարները, հայտնվելով բաց լճում, ալեկոծության և քամու պայմաններում դրսևորել էին արտակարգ իրավիճակներում ճիշտ կողմնորոշվելու մասնագիտական ունակություններ, մոտ 1 կմ լողալով, դուրս էին եկել Շորժա գյուղի մոտակա ափ, իրենց հետ դուրս բերելով նաև մոտորանավակը»,- ասվում է հաղորդագրության մեջ:

Ըստ աղբյուրի՝ ԱԻ նախարարն ընդունել է Գեղարքունիքի մարզային փրկարարական վարչության հատուկ ջրափրկարարական ջոկատի մոտորանավակավար-փրկարար, փրկարար ծառայության սերժանտ Արման Գևորգյանին և Գեղարքունիքի ՄՓՎ հատուկ ջրափրկարարական ջոկատի խմբի հրամանատար, փ/ծ մայոր Գոռ Հովհաննիսյանին։ Նախարար Փամբուխչյանը ծառայողական պարտականությունների բարեխիղճ կատարման և բարդ իրավիճակում արագ կողմնորոշվելու համար ջրափրկարարներին պարգևատրել է պատվոգրով։

Գերատեսչության ղեղավարը նշել է, որ նման դեպքերը ևս մեկ անգամ փաստում են մեր փրկարարների պատրաստվածության բարձր ցուցիչի և հնարավոր պատահարների ժամանակ նրանց հանդեպ լիարժեք վստահություն ունենալու հնարավորության մասին։