Le Figaro. Եվրոն փրկելու գործընթացն արդեն արժեցել է 1.1 տրլն

«Եվրոպացիներ, անհրաժեշտ է ևս մեկ անգամ ջանք գործադրել, որպեսզի պահպանենք մեր տարադրամը»,-գրում է Le Figaro ֆրանսիական պարբերականը: Նման հաղորդագրություն է պարունակում Արժույթային միջազգային հիմնադրամի զեկույցը, որը ներկայացվել էր Տոկիոյում չորեքշաբթի օրը: Խոսե Ֆինալսը՝ ԱՄՀ-ի ֆինանսական հարցերով տնօրենը, պահանջել էր ԵՄ երկրներից եվրագոտու վստահության և ամրապնդման վերականգնման տեմպերն արագացնել:

ԱՄՀ փորձագետները հաշվել են, որ 2009թ. դեկտեմբերից հետ մնացող երկրների (Հունաստան, Իռլանդիա, Իտալիա, Պորտուգալիա, Իսպանիա) փրկման համար ծախսած գումարը գերազանցել է 1.1 տրլն-ը»,-հաղորդում է զեկույցի հեղինակ Ժան-Պիեր Ռոբենը: Խոսքն այն միջոցների մասին է, որ տրամադրվել են ֆինանսական կայունության Եվրոպական հիմնադրամի և Եվրոպական կենտրոնական բանկի կողմից: ԱՄՀ-ն մատնանշում է, որ Եվրագոտու ճգնաժամը մասնավոր կապիտալների լայն արտահոսք է, ինչը եվրոպական ինստիտուտները Եվրոպական կենտրոնական բանկի գլխավորությամբ պարտավոր էին կանխել: Նույնիսկ Ֆրանսիան և Բելգիան բախվեցին կապիտալների արտահոսքի հետ, որոնք, իհարկե, երկուսի համար սահմանափակվում էին մի քանի տասնյակ միլիարդ եվրոյով: Այս ամենի մասին խոսվում է զեկույցում:

Եվ ընդհակառակը, համաձայն ԱՄՀ-ի տվյալների՝ Ավստրիայի, Ֆինլանդիայի, Գերմանիայի և Նիդերլանդների ֆինանսական հաստատությունները բախվեցին իրենց պահուստների ավելացման հետ:

ԱՄՀ-ն կոչ է անում ստեղծել եվրոպական բանկային միություն՝ այն համարելով անհետաձգելի պայման եվրագոտու պահպանման համար: