The Telegraph. Վենետիկը սկսում է նմանվել հսկայական շվեցարական պանրի
Համաշխարհային Մամուլ
Վենետիկի պատմական շինություններն ու ջրանցքները պատված են այնքան շատ անցքերով և ճեղքերով, որ քաղաքը սկսում է նմանվել հսկայական շվեցարական պանրի. մտահոգվում են գոնդոլավարները։ Ջրանցքների ափերը քանդվում են, քանի որ խնամքի պակաս է զգացվում, և ճեղքերը հայտնվում են Մեծ Ջրանցքի ափի երկայնքով ձգվող դարավոր պալատների վրա. ասում են նավավարները։
«Բավական է նավակով մի շրջայց կատարել ջրանցքներով՝ հասկանալու համար, որ պատմական կենտրոնը նմանվել է Գրույերի կույտի»,- հայտնում է գոնդոլավարների ասոցիացիայի ղեկավարը։
Նա ասել է, որ քաղաքը տուժում է, քանի որ կրճատվել է հատուկ դրամաշնորհի շրջանակներում Հռոմի կենտրոնական կառավարության կողմից ստացվող միջոցների չափը։
«Բոլորի համար ակնհայտ են Վենետիկի խնդիրները, բայց մենք անզոր ենք, քանի որ գումարի կարիք ունենք, որը պարզապես չունենք մեր տրամադրության տակ»,-ասել է նա։
Բացի այդ՝ ջրանցքների ափերը կարող են վնասվել մեծ զբոսանավերի պատճառով, որոնք ժամանում են Համաշխարհային ժառանգության քաղաք։
«Կա ուժեղ գիտական վկայություն այն մասին, որ դրանք վնասվում են այդ հսկայական նավերի և Վենետիկ այցելող զբոսաշրջիկների պատճառով, որոնց դրանք բերում են։ Վենետիկցիները պետք է ի վիճակի լինեն որոշակիորեն վերահսկել զբոսաշրջիկների քանակը, ինչպես դա անում են, օրինակ, Գալապագոսյան կղզիներում»։
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
