Սգի օրը դաժե կլուբներն աշխատեցին, մենք՝ ոչ. Փեթակի առևտրականները պահանջում են բացել առևտրի կետերը

«Փեթակ» առևտրի կենտրոնի առևտրականները երկուշաբթի` կեսօրին, բողոքի ակցիա էին անցկացնում՝ պահանջելով բացել տոնավաճառը, որը փակ է հարևան «Սուրմալու»-ում տեղի ունեցած ողբերգական իրադարձությունների պատճառով։

Ինչպես նշեց աշխատակիցներից մեկը, «Փեթակում» պահպանվում են հակահրդեհային կանոնները։                          

«Բոլորը աշխատում են, դաժե սգի օրը կլուբներն էին աշխատում, բացի մեզնից։ Մենք հարկեր ու վարկեր ունենք տալու», - նշեց նա։

Իր հերթին ԱԻՆ խոսնակ Հայկ Կոստանյանը, անդրադառնալով տնտեսվարողների` բնականոն աշխատանքի վերադառնալու հարցին, նշեց․ ««Փեթակ»-ի տնտեսվարողները պահանջում են հստակ օր հայտարարել, թե երբ կարող են վերադառնալ աշխատանքի։ Այս պահին Ոստիկանության, Քննչական կոմիտեի և ԱԻՆ պաշտոնյանները քննարկում են՝ ելք գտնելու տնտեսվարողների բնականոն աշխատանքի վերադառնալու ուղղությամբ»։