Մեր գյուղում, մարդ չկա, որ դեմ լինի այս նախագծի իրականացմանը. գյուղացիները պատմում են, որ մինչեւ հիմա կարծել են` Հատիսը հրաբխի արդյունք է (տեսանյութ)
ՏեսանյութերՀիսուս Քրիստոսի մոնումենտալ արձան-համալիրի նախագծի իրականացմանն անհամբեր սպասում են Հատիսի մերձակա գյուղերի բնակիչները։ Նրանք նշում են, որ պատրաստ են աջակցել, որ սեղմ ժամկետներում այն վերջապես կյանքի կոչվի։
«Մինչև այդ լռում էին, ոչ մեկին պետք չէր այս սարը, հիմա հայ-հայ տեսեք, աղմուկ են բարձրացրել։ Սա մեր Կոտայքի գյուղերի համար գիտե՞ս ինչքան հետաքրքիր ու խելացի նախագիծ է, բիզնեսներ կարան դնեն ու աշխատանքներ մեզ համար բացվեն»,-լրագրողի հետ զրույցում ասաց մերձակա գյուղերի բնակիչներից մեկը։
«Ինչ կա ընդեղ, որ քանդվի։ Հանգած հրաբուխային սար է, քարքրոտ սար»,-նշեց հավաքված գյուղացիներից մեկ ուրիշն ու ավելացրեց.«դե եթե այնտեղ կարևոր հնավայր է, ինչի՞ այս 50-100 տարիների ընթացքում մեկը չգնած, մի զբոսաշրջիկ չբարձրացավ»։
Նրանց խոսքով՝ Հայաստանը նոր պատմամշակութային արժեքների ստեղծման, թարմացման կարիք ունի։ Գործարար Ծառուկյանի նախագիծը գյուղացիները համարում էին անհրաժեշտություն՝ նշելով, որ Հատիսի մասին մինչ այս նախագիծը ոչ ոք անգամ չէր էլ հիշում։ Գյուղացիները նշում էին, որ Հատիսը շատ գեղեցիկ լեռ է, բայց այնտեղ մշակութային արժեքների կամ բազմադարյա հուշարձանների մասին անգամ իրենց նախնիներից չեն լսել։ Արոտավայր է դարձել շատ վաղուց գյուղացիների համար։
«Մեր գյուղում, մարդ չկա, որ չուզենա այս նախագիծն իրականություն դառնա։ Կառուցողը գիտի ինչ է անում, թողեք թող անի։ Չոր սար էր։ Գարնան գլուխ մի քիչ կանաչում է, հետո էլ անգամ անասունը չի արածում»,-նշեցին գյուղացիները։
Մանրամասները՝ տեսանյութում։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
