Ճապոնիայում թայֆունի պատճառով մոտ 100 հազար բնակչի հրամայված է լքել տները

Ճապոնիայի իշխանությունները մոտ 100 հազար բնակչի հրամայել են տարհանել «Հինամնոր» թայֆունի մոտենալու պատճառով, հայտնում է ՏԱՍՍ-ը՝ NHK հեռուստաալիքին հղումով։

Այսպես, Ճապոնիայի հարավում գտնվող Օկինավա պրեֆեկտուրայի Իշիգակի քաղաքի շուրջ 49,6 հազար և Օկինավայի Միյակոջիմա քաղաքի շուրջ 55,5 հազար բնակիչներ շտապ տարհանման մասին ծանուցում են ստացել։

«Հինամնորը», որն անվանվել է Լաոսում գտնվող գավառի պատվին, ձևավորվել է Խաղաղ օվկիանոսում օգոստոսի 28-ին՝ որպես արևադարձային փոթորիկ: Փոթորիկը Օկինավայից հարավ կպտտվի մինչև սեպտեմբերի 3-ի երեկո, այնուհետև կտեղափոխվի հյուսիս: Կանխատեսվում է, որ այն կմոտենա Սակիսիմա կղզիներին սեպտեմբերի 4-ի վաղ առավոտյան: Հաջորդ շաբաթվա կեսերին «Հինամնորը» կարող է դեպի հյուսիս շարժվել Արևելաչինական ծովով և մոտենալ Կյուսյու շրջանին և արևմտյան Ճապոնիայի այլ մասերին: