Նախագահ Հարությունյանն ընդունել է «Ապրելու երկիր» կուսակցության հիմնադիր-ղեկավարներին
ԱրցախԱրցախի Հանրապետության նախագահ Արայիկ Հարությունյանը սեպտեմբերի 3-ին ընդունել է ԱՀ հռչակման 31-րդ տարեդարձի առթիվ Ստեփանակերտում գտնվող «Ապրելու երկիր» կուսակցության հիմնադիր-ղեկավարներ Մանե Թանդիլյանին և Մեսրոպ Առաքելյանին:
Ինչպես հայտնում են Արցախի Հանրապետության նախագահի աշխատակազմի տեղեկատվության գլխավոր վարչությունից, քննարկվել են Արցախի շուրջ ծառացած ներքին և արտաքին մարտահրավերներին առնչվող հարցեր:
Երկրի ղեկավարն իր խոսքում գոհունակություն է հայտնել Մանե Թանդիլյանի և Մեսրոպ Առաքելյանի՝ մշտապես Արցախի կողքին լինելու և տարբեր նախաձեռնություններով արցախահայության խնդիրների լուծմանը նպաստելու համար: