Վենսան Կասելը ներկայացել է Վենետիկի պրեմիերային իր երիտասարդ կնոջ՝ Թինա Կունակիի հետ

55-ամյա դերասան Վենսան Կասելը և նրա կինը՝ 25-ամյա մոդել Թինա Կունակին, ներկա են գտնվել Վենետիկի պրեմիերային։ Համապատասխան նկարները հայտնվել են Global Look Press ֆոտոբանկում։

Անցած ուրբաթ՝ սեպտեմբերի 2-ին, Վենետիկի 79-րդ կինոփառատոնի շրջանակներում տեղի ունեցավ Ռոմեն Գավրասի «Աթենա» ֆիլմի շնորհանդեսը։ Պրեմիերային բազմաթիվ աստղեր էին եկել, այդ թվում՝ ամուսիններ Վենսան Կասելը և Թինա Կունակին։ Դերասանը կարմիր գորգի վրա ոտք է դրել երկու մասից բաղկացած ավազագույն հագուստով, որը համադրել է մուգ կապույտ պոլո շապիկի և լոֆերի հետ: Մոդելն իր հերթին ներկայացել է կոկորդիլոսի կաշվից կարված ասիմետրիկ զգեստով՝ կիպ զուգագուլպաներով և թափանցիկ կրունկներով սանդալներով։ Արտաքին տեսքը համալրվել է ադամանդե չոկերով և թևնոցով:

Վենսան Կասելը և Թինա Կունակին սկսել են հանդիպել 2015 թվականին և ամուսնացել 2018 թվականին։ Դերասանը մոդելից 30 տարով մեծ է։ 2019 թվականի ապրիլին նրանք դուստր են ունեցել, որին անվանել են Ամազոնի։

Վենսան Կասելը ևս երկու դուստր ունի իր նախորդ կնոջից՝ Մոնիկա Բելուչիից՝ 17-ամյա Դևան և 12-ամյա Լեոնին։ Դերասաններն ամուսնացել են 1999 թվականին, ամուսնալուծվել 2013-ին։