Եվրոպայի և Միացյալ Նահանգների միջև բարեկամությունը կարող է դադարեցվել. WSJ

Համաշխարհային Մամուլ 3 Սեպտեմբեր, 2022 17:22

ԱՄՆ-ի և Եվրոպայի միջև բարեկամությունը կարող է խզվել ԱՄՆ-ում գազի հնարավոր ճգնաժամի պատճառով։ Այդ մասին գրում է The Wall Street Journal-ը։

«ԱՄՆ-ի և Եվրոպայի միջև ամուր հարաբերությունները կարող են խզվել ձմռան մոտենալուն և ջերմաստիճանի նվազմանը զուգահեռ: Ամերիկան կարող է բախվել գազի սեփական ճգնաժամի հետ։ Պաշարների մակարդակն այժմ սովորականից ցածր է, և գները կարող են սկսել աճել ձմռանը: Եվրոպան նույնպես դժվար ժամանակներ կունենա, քանի որ նման իրավիճակում ԱՄՆ-ը դժվար թե օգնի նրան»,- նշել է հրատարակությունը։

Հոդվածի հեղինակի խոսքով՝ ԱՄՆ-ում ամառային տապը դեռ չի մարել, սակայն պահեստարաններում գազի ցածր պաշարները վկայում են այն մասին, որ ձմռանը վառելիքի գների հսկայական թռիչքներ են լինելու։ Միևնույն ժամանակ, Եվրոպայում գազի ճգնաժամի հետ կապված իրավիճակը կարող է վատթարանալ, քանի որ պետությունները կարող են կրճատել գազի մատակարարումները Եվրամիություն՝ իրենց պաշարները լցնելու համար։

Հրատարակությունը մատնանշում է, որ այս ամառ շոգի ալիքը հանգեցրել է գազի սպառման ռեկորդային աճի, մասնավորապես ԱՄՆ-ում, որտեղ ամենուր օդորակիչներ են աշխատում։ Բացի այդ, Freeport LNG հեղուկացված բնական գազի համալիրում տեղի ունեցած վթարը հանգեցրեց այն փաստին, որ օգոստոսի վերջին պահեստարանների լիցքավորումը նախորդ տարվա համեմատ կազմել է 11,3%: