Ռուսաստանը, Չինաստանը և Իրանը միավորվում են ԱՄՆ-ի դեմ. Bloomberg

ԱՄՆ-ի աշխարհաքաղաքական մրցակիցները, որոնց թվում են Ռուսաստանը, Չինաստանը և Իրանը, կամաց-կամաց միավորվում են Վաշինգտոնի դեմ։ Այս մասին ասվում է Bloomberg գործակալության վերլուծական նյութում։

Ինչպես ասվում է հոդվածում, Պեկինը և Մոսկվան ռազմավարական գործընկերություն են հայտարարել «առանց սահմանափակումների» Ուկրաինայում Ռուսաստանի Դաշնության հատուկ ռազմական գործողության մեկնարկից անմիջապես առաջ։ Իրանը ռազմական օգնություն է ցուցաբերում Ռուսաստանին, գրում է Bloomberg-ը։

Գործակալությունը նշել է, որ Իրանն ու Չինաստանը նույնպես ունեն իրենց ռազմավարական հարաբերությունները, որոնք ձևավորվում են արդեն մի քանի տասնամյակ։ Հրապարակման մեջ, սակայն, պարզաբանվում է, որ երկու պետությունները միմյանց պաշտպանելու ոչ մի պաշտոնական հրապարակային պարտավորություն չեն ստանձնել։

ԱՄՆ-ին դեռևս չի սպառնում թշնամական ուժերի լիարժեք դաշինք, նշում է Bloomberg-ը։ Միևնույն ժամանակ Ռուսաստանը, Չինաստանը և Իրանը ավելի ու ավելի են միավորվում ԱՄՆ-ի հանդեպ իրենց թշնամության մեջ, ընդգծվում է նյութում։