Կադիրովը կարող է նոր պաշտոնի նշանակվել. ԶԼՄ

Meduza հրատարակության տելեգրամյան ալիքը հայտնել է, որ Չեչնիայի առաջնորդ Ռամզան Կադիրովը կարող է ղեկավար պաշտոն ստանձնել Ազգային գվարդիայում։ Այն, որ պաշտոնի նման փոփոխություն է դիտարկվում, հայտնել է նախագահական վարչակազմին մոտ կանգնած Meduza-ի աղբյուրներից մեկը։

Սեպտեմբերի 3-ին Կադիրովը տեսանյութ էր հրապարակել, որում հայտարարել էր, որ «չափազանց երկար է մնացել» իր պաշտոնում և արժանի է «անժամկետ ու երկար» արձակուրդի։

Կադիրովը նման հայտարարություններ է արել 2017 թվականի նոյեմբերին և 2016 թվականի փետրվարին։ Հետո ասել է, որ ժամանակն է, որ ինքը հեռանա հանրապետության ղեկավարի պաշտոնից։

Ռամզան Կադիրովը Չեչնիայի Հանրապետությունը ղեկավարում է 2007 թվականից (2011 թվականի ապրիլի 5-ին նա երկրորդ ժամկետով ստանձնեց հանրապետության ղեկավարի պաշտոնը)։ Ընդ որում, առաջին նշանակման ժամանակ նա ընդամենը 30 տարեկան էր։