Բժիշկը պատմել է, թե ինչպես պահպանել լիբիդոն 60 տարեկանից հետո
ԱյլՀարուստ սեռական կյանք հնարավոր է ոչ միայն երիտասարդության շրջանում, կարծում է սեքսապաթոլոգ և հոգեբան Ալեքսանդր Վրոնսկին։ Փորձագետը «Դոկտոր Պիտեր» հրատարակությանը տված հարցազրույցում նշել է ինտիմ խնդիրները լուծելու արդյունավետ ուղիներ։
Շագանակագեղձի ադենոման և սեռական հորմոն տեստոստերոնի նվազումը հասուն տարիքում սեռական կյանքի թուլացման ընդհանուր պատճառներն են: Մարմնի ֆունկցիոնալությունից լիբիդոյի հետ կապված այլ խնդիրները բացառելու համար փորձագետն առաջարկել է առաջին հերթին բուժզննում անցնել։
Բանջարեղենով, մրգերով, խոտաբույսերով, ընկույզով և ծովամթերքով դիետան կօգնի ինտիմ հարաբերությունների նկատմամբ հետաքրքրություն առաջացնել։ Աղի, յուղոտ եւ բարձր կալորիականությամբ մթերքներով հարուստ սննդակարգը բացասաբար է անդրադառնում սիրով զբաղվելու ցանկության վրա։ Փորձագետը խորհուրդ է տվել զգալի կրճատել ձվի, սերուցքի և վերամշակված մսի օգտագործումը։
Կանոնավոր չափավոր ֆիզիկական ակտիվությունը (երբ զարկերակը և ճնշումը վերահսկողության տակ եք պահում) կարող է նաև վերադարձնել սեքսի նկատմամբ հետաքրքրությունը:
Էրեկտիլ ֆունկցիան խթանող հաբեր ընդունելուց առաջ մասնագետը խորհուրդ է տվել դիմել սեքսապաթոլոգի։ Լիբիդոյի պահպանման հարցում ոչ պակաս կարևոր կլինի զուգընկերոջ աջակցությունը, եզրափակել է Վրոնսկին։