Երբ Լևոն Հայրապետյանը փորձանքի մեջ է ընկել, Ռուբեն Վարդանյանը ոչնչով չի օգնել

Ռոման Բաղդասարյանն իր ֆեյսբուքյան էջում գրել է․

«Մոսկվա, 2018 թվ։
Այս լուսանկարը ես արել եմ Լեւոն Հայրապետյանի տանը ՝ ուղիղ եթերում նրա դստեր ՝ Անժելիկա Հայրապետյանի հետ, հարցազրույցից հետո։

Անժելիկան լուսավոր ու հրաշալի մարդ է, ում հետ մենք շատ հաճելի զրույց ունեցանք։ Մեր հարցազրույցը ՖԲ-ում դիտել են մոտ 400 000 մարդ, որը շատ է բարկացրել ղարաբաղյան հանցավոր կլանին։

Հայրապետյանի դստերը սկսել են սպառնալ, որ եթե նա շարունակի ինձ հարցազրույց տալ ու գաղտնիքներ պատմել, ապա նրա վերջը լավ չի լինի։
Հարյուրավոր գաղտնիքներ ես այն ժամանակ իմացա, բայց այսօր ուզում եմ կանգ առնել մի կարևոր նրբության վրա։

Շատերն ինձ հարցնում են, թե ինչու եմ քննադատում Ռուբեն Վարդանյանին։
Պատասխանում եմ ՝ շատ պատճառներով, բայց գլխավորն այն է, որ հարցազրույցի ժամանակ Անժելիկան ուղիղ եթերում պատմեց հրեշավոր բաներ։
Պարզվեց, որ երբ Լևոն Հայրապետյանը փորձանքի մեջ է ընկել և դատավարություն է սկսվել, Ռուբեն Վարդանյանը ոչնչով չի օգնել։

Լևոն Հայրապետյանը օրը 5 անգամ զանգել է Ռուբենին, բայց նա հեռախոսը չի վերցրել։
Լևոն Հայրապետյանը տնային կալանքի տակ էր և բառացիորեն հեկեկում էր վիրավորանքից ու ցավից, նա չէր հավատում Ռուբենի ցինիզմին ու ստորությանը, ով, իրականում, Լևոն Հայրապետյանի կապերի շնորհիվ էր ոտքի կանգնել և շատ բաների համար էր պարտական նրան։
Բայց ահա եկել են սև օրեր Հայրապետյանի համար և Վարդանյանը ձևացրել է, թե նրան չի ճանաչում։
Տանջանքի և արցունքների ամբողջ ընթացքում չվերցնել հեռախոսը և ոչնչով չօգնել, անմարդկային վերաբերմունք է, որին արդարացում չկա:
Այնպես որ, նրանք, ովքեր ինձ հարց են տալիս, ահա և պատասխանը»: