Կոնգոյում կամուրջը հանդիսավոր բացման ժամանակ փլուզվել է (տեսանյութ)

Կոնգոյի Հանրապետությունում հետիոտնային կամուրջը հանդիսավոր բացման ժամանակ փլուզվել է: Այս մասին հայտնում է Mandy News պորտալը։

Կառույցի բարձրությունը մոտ 2 մետր էր։ Երբ արարողության ղեկավարները կտրեցին կարմիր ժապավենը, դրա վրա գտնվող հյուրերի ծանրությունից կամուրջը փլուզվեց։ Տեսանյութում երևում է, թե ինչպես են կոստյումով տղամարդը և մի քանի այլ մարդիկ ընկնում:

Միջադեպից հետո տեղի բնակիչներն օգնել են հյուրերին իջնել գետնին։ Նշվում է, որ փլուզման հետևանքով ոչ ոք չի տուժել։

Միջադեպի այլ մանրամասներ չեն հաղորդվում։