Neue Zürcher Zeitung. Եվս մեկ հեղափոխություն Վրաստանում

Վրաստանի ընդդիմադիր «Վրացական երազանք» կոալիցիայի հաղթանակը զարմացրել է Արևմուտքի որոշ «ուժերին», գրում է բունդեստագի պատգամավոր և Կովկասի գծով փորձագետ Վիոլա ֆոն Կրամոնը գերմանական Neue Zürcher Zeitung թերթին տված իր մեկնաբանության շրջանակներում:

Ո՛չ Հիլարի Քլինթոնը, ո՛չ էլ Գիդո Վեստերվելեն չեն դեռ հանդիպել Իվանիշվիլիին, այդ իսկ պատճառով իշխող նախագահին հեշտ էր տարածել լուրեր այն մասին, որ առաջին հերթին Իվանիշվիլին ռուսական միլիարդատեր է և պատրաստվում է Ռուսաստանին փոխանցել Վրաստանի նկատմամբ ինքնիշխանությունը' ձայները գնելով հաղթանակ տանելու միջոցով:

Գերմանացի պատգամավորը Իվանիշվիլիի կառավարության առաջին նշանակումները դիտարկում է որպես դրական ազդանշան: Նրա խոսքերով նա տեղ է տալիս ազգային-պահպանողական ուժերին, որոնք ընտրարշավի ժամանակ հայտնվել են «երազանքի» ցուցակներում:  ֆոն Կրամոնն ինչպես նաև դրական է գնահատում այն փաստը, որ ապագա կառավարությունը հիմնված է լինելու եռակուսակցական կոալիցիայի հիման վրա. բացի «Վրացական երազանքից», դրանում մասնակցելու են Իրակլի Ալասանիայի «Ազատ դեմոկրատները» և Դավիդ Ուսուպաշվիլիի հանրապետականները:

Ֆոն Կրամոնը նշում է, որ Իվանիշվիլին ձգտում է նախկին նպատակին' եվրատլանտյան ինտեգրման: Սակայն «հատուկ հետաքրքրություն է առաջացնում նոր ազդակը Ռուսաստանի և անջատված շրջանների' Աբխազիայի և Հարավային Օսեթիայի հետ հարաբերություններում: Վրացիների մեծամասնությունը հասկացան, որ իրենց հյուսիսային հարևանի հետ պետք է մերձենալու ուղիներ փնտրել և որ Սաակաշվիլիի օրոք դա չի հաջողվի»:

Գերմանացի փորձագետի կարծիքով այդ իմաստով հիանալի ազդակ է հանդիսանում Պաատա Զակարեիշվիլիի նշանակումը անջատողական շրջանների նախարարի պաշտոնում: Վերջինս երկու կողմերի վստահությունն է վայելում:

Ֆոն Կլարոնի խոսքով իշխանության փոխանցումը, որն իրականացվել է ընտրությունների արդյունքների հայտարարումից հետո, իրենից ներկայացնում է իրենից «հեղափոխություն Վրաստանի քաղաքական մշակույթում» և նոր երևույթ ողջ Հարավային Կովկասի համար: