Der Spiegel. Իրանը էկոլոգիական աղետ է պատրաստում Պարսից ծոցում

Der Spiegel գերմանական պարբերականը, հղում կատարելով արևմտյան գաղտնի ծառայություններից ստացած իր աղբյուրներին, գրում է, թե ենթադրվում է, որ Իրանը պլանավորում է նավթային թափոններով աղտոտել Պարսից ծոցի ափերը:

Ծածկանվան տակ գործող պլանի համաձայն` Իրանի Հեղափոխականների գվարդիան պլանավորում է գաղտնի պայթյունավտանգ գործողություններ իրականացնել` դատարկելով նավթատարների պարունակությունը Պարսից ծոցում:

Ըստ Արևմտյան գաղտնի ծառայությունների տվյալների` Իրանի Հեղափոխական գվարդիայի հրամանատար Մուհամմեդ Ալի Ջաֆարին ադմիրալ Ալի Ֆավադի հետ համատեղ մշակել է պլանի սաբոտաժ, որը կարող է հանգեցնել էկոլոգիական աղետի ողջ Պարսից ծոցի տարածքում:

Ծածկանվան տակ հանդես եկող և գերգաղտնիության սահմաններում գործող այս պլանը նախատեսում է մի նավթատարի վթարի  կազմակերպումով դիտավորյալ աղտոտել Օրմուզի ջրանցքը: Սրա արդյունքում հնարավոր կլինի արգելափակել միջազգային նավթատարների ծովային ճանապարհները: Դրանով հնարավոր կլինի չեզոքացնել նաև Իրանի հանդեպ թշնամաբար տրամադրված արաբական երկրներին:

Ըստ Իրանի Հեղափոխական գվարդիայի հաշվարկների` Արևմուտքը ստիպված է լինելու մեծամասշտաբ գործողություններ ձեռնարկել ջրանցքի ջրերի մաքրման ուղղությամբ, ինչը, հնարավոր է, սառեցնի Իրանի նկատմամբ պատժամիջոցների իրականացման արդիականությունը:

Իրանի Իսլամական հանրապետության կողմից մշակած այս գաղտնի պլանը պետք է հավանություն ստանա ոչ միայն բանակի և ուժային կառույցների, ինչպես նաև խոշոր ընկերությունների կողմից, այլև` ներկա պահին այն ներկայացվել է հեղափոխության առաջնորդ Ալի Խամենեի հաստատմանը: