The Guardian. Շոտլանդիայի անկախությունը. Քեմերոնն ու Սելմոնդը 2014-ի հանրաքվեի ուղի են հարթում

Դեվիդ Քեմերոնն ու Ալեքս Սելմոնդը երկուշաբթի օրը Էդինբուրգում պայմանագիր են կնքելու, ինչն ուղի է հարթելու 2014թ. Շոտլանդիայի անկախության համար՝ հայտարարել է Շոտլանդիայի քարտուղար Մայքլ Մուրը. գրում է The Guardian-ը:

Պայմանագիրը թույլ կտա Շոտլանդիայի ժողովրդին կատարել «ամենակարևոր քաղաքական որոշումը վերջին 300 տարիների ընթացքում»,-հայտնել է Մուրը Էնդրյու Մարի շոուի ժամանակ, որն հեռարձակվում է BBC1 ալիքով:

Ե՛վ Լոնդոնը, և՛ Էդինբուրգը փոխզիջումների էին գնացել՝ թույլ տալով Վեսթմինսթերին լիազորելու Շոտլանդիայի խորհրդարանին անցկացնել հանրաքվե մինչև 2014 թվականի ավարտը:

Սելմոնդն ընդունել է, որ քվեաթերթիկի վրա լինելու է միայն մեկ հարց, այն է՝ արդյոք Շոտլանդիան պետք է դուրս գա Միացյալ Թագավորությունից, թե՝ ոչ:

Շոտլանդիայի առաջին քարտուղարը հույս էր հայտնել, որ կլինի ևս մեկ երկրորդ հարց. նրանք աջակցում են արդյոք «դևո մաքսին»՝ իշխանության փոխանցման առավել որակյալ ձևին, որն ավելի կարճ ժամանակ է պահանջում անկախության համար: Բայց այս գաղափարից նա հետ է կանգնել այն բանից հետո, երբ վերջինս աջակցություն չստացավ Շոտլանդիայի քաղաքացիական հասարակության շրջանակներում:

Բայց Քեմերոնը հիմքեր է տվել՝ թույլատրելով Սելմոնդին հանրաքվեն իրականացնել 2014թ.՝ Բենոքբըրնի ճակատամարտի 700-ամյակի տոնման ժամանակ, և թույլատրելով 16 և 17-ամյա երիտասարդներին ևս քվեարկել: