Die Welt. Թուրքիան կոչ է անում Եվրոպային հոգալ սիրիացի փախստականների մասին

Թուրքիան Լյուքսեմբուրգում ԵՄ արտգործնախարարների հետ հանդիպումից առաջ Եվրոպային կոչ է արել ապասատան տրամադրել սիրիացի փախստականներին:

«Եվրոպան պետք է սկսի մտածել այն մարդկանց մասին, որոնք Սիրիայից ներգաղթել են Թուրքիայի տարածք»,-ասել է Թուրքիայի ԵՄ նախարար Էգեմեն Բաղիսը գերմանական Die Welt պարբերականին տված հարցազրույցի ժամանակ: «Ներկա պահին մենք ունենք 80.000-ից ավել փախստական մեր երկրում»:

Բաղիսն ասել է, որ ժամանակն է, որ Եվրոպան վերջապես սկսի օգնել այդ հարցում: Մինչ այս մենք փախստականների համար Եվրոպայից շատ քիչ օգնություն ենք ստացել վրանների և տանիքների տեսքով: «ԵՄ-ն պետք է նաև ավելի շատ ֆինանսական օգնություն տրամադրի»,-եզրափակել է ԵՄ թուրքական նախարարը:

Նախարարը ԵՄ-ի՝ օգնություն չցուցաբերելու պատճառը տեսնում է ֆինանսական ճգնաժամի մեջ: «Եվրոպան գաղափարային սառեցման ժամանակաշրջանում է ապրում: Դրա պատճառը Եվրագոտու ճգնաժամն է»:

ԵՄ-ի ԱԳ նախարարներն այս երկուշաբթի Լյուքսեմբուրգում քննարկելու են Սիրիայի նախագահ Բաշար Ասադի դեմ կիրառվող պատժամիջոցների սաստկացման հարցը:

Անկարայում կառավարությունը մեղադրել է ՄԱԿ-ի ԱԽ-ին, որ վերջինս իր անգործունակությամբ նպաստում է Ասադին՝ բռնություններ իրականացնել Սիրիայում: Չինաստանն ու Ռուսաստանը ԱԽ-ում վետո են դրել Դամասկոսի կառավարության նկատմամբ իրականացվող սաստկացված պատժամիջոցների գործադրման վրա: