«Ինչ վատ բան են անում, ասում են՝ նախկինների ժամանակ դրանից ավելի վատ էր կամ նախկիններն են մեղավոր»
Հասարակություն
Ինչպես արդեն տեղեկացրել ենք «Բանակը ես եմ» խորագրի ներքո Հանրապետության հրապարակում հավաք է իրականացվում։ Քաղաքացիները պահանջում են ՀՀ պաշտպանության նախարար Սուրեն Պապիկյանի հրաժարականը, ինչը կապված է օրեր առաջ Ազատ գյուղում գտնվող զինվորասակրավորային կացարանում տեղի ունեցած ողբերգական միջադեպի հետ։ Ակցիան նախաձեռնել է «Հանրային ձայն» կուսակցությունը։
Իր ելույթում իրավապաշտպան Հայկազ Մակարյանն անդրադառնալով գործող իշխանություններին ասաց. «Ինչ վատ բան են անում, ասում են՝ նախկինների ժամանակ դրանից ավելի վատ էր կամ նախկիններն են մեղավոր: Ձեզ բերել էին, որ մի բան անեիք, բայց չարեցիք։ Հակառակը բանակը հասցրել եք կրախի առաջ, հիմա էլ խոսում են իտալական ինչ-որ մոդուլներից։ Հերի՛ք է արդեն: Ալիևն ասում է, որ Երևանը իրենցն է, Փաշինյանը հայտարարում է, թե Ալիևը իր այդ հայտարարություններով փորձում է փչացնել խաղաղության պայմանագիրը։ Ի՞նչ խաղաղության պայմանագիր, այն գոյություն չունի և գոյություն ունենալ չի կարող: Ադրբեջանը ունի մեկ օրակարգ՝ վերցնել Երևանը ու հրի և սրի մատնել հայ ժողովրդին»,- նշեց նա։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
