Հրդեհի զոհ դարձած զինծառայող Տարոն Ղարիբյանը կհուղարկավորվի Ուրցաձորում հունվարի 23-ին

Ողբերգական հրդեհի հետևանքով զոհված զինծառայող Տարոն Ղարիբյանը կհուղարկավորվի Որցաձորում: Այս մասին հայտնում են համայնքապետարանի ֆեյսբուքյան էջում:

«Հարգելի՛ բնակիչներ, սրտի կսկիծով և խորը ցավով հայտնում ենք, որ 2023 թվականի հունվարի 19-ի դեպքերի զոհ է դարձել նաև Արարատի մարզի Ուրցաձոր բնակավայրի բնակիչ Տարոն Սեդրակի Ղարիբյանը։

Տարոնը մասնակցել է նաև 2022 թվականի սեպտեմբերյան մարտերին։

Ցավակցում և վշտակցում ենք Տարոնի անդառնալի կորուստը և մեր զորակցությունն ենք հայտնում նրա ծնողներին, հարազատներին և մտերիմներին։

Տարոն Ղարիբյանի հոգեհանգիստը տեղի կունենա հունվարի 22-ին` ժամը 17:00-ին, Ուրցաձորի մշակույթի տանը, հուղարկավորությունը` հունվարի 23-ին` ժամը 13։00-ին, նույն վայրից»։