Հարսնացուն սխալ գդալով է թեյը խառնել ու մահացել

Բրիտանուհին, ով տառապում էր կաթնամթերքի նկատմամբ սուր ալերգիայով, մահացել է Հարավային Աֆրիկայում իր սիրելիի առաջարկությունից չորս օր անց։ Ինչպես նշում է Daily Mirror-ը, մահվան պատճառը եղել է թեյը խառնելու համար սխալ գդալի օգտագործումը։

Անցյալ տարվա դեկտեմբերի վերջին 24-ամյա սիրահարներ Քրեյգ ՄակՔինոնն ու Ջես Փրինսլուն ճանապարհորդության էին գնացել Հարավային Աֆրիկա։ Ուղևորության մեկնարկից մեկ շաբաթ անց ՄակՔինոնը առաջարկել է իր զուգընկերուհուն դառնալ իր կինը, և նա համաձայնվել է։ «Նրա ընտանիքից շատերն ապրում են Հարավային Աֆրիկայում, և նա այնտեղ չէր եղել արդեն վեց տարի, այնպես որ ես գիտեի, որ ավելի լավ տեղ չկա առաջարկություն անելու համար», - բացատրել է երիտասարդը:

Զույգը հաջորդ մի քանի օրն անցկացրել է կարևոր իրադարձությունը նշելով, իսկ հետո գնացել է Յոհանեսբուրգ՝ հարսնացուի մորը այցելելու։ Այնտեղ աղջիկն ուզում էր թեյ խմել և գդալ է վերցրել՝ այն խառնելու համար։ Շուտով պարզվել է, որ դրա վրա կաթնամթերքի մնացորդներ կային, ինչի պատճառով Փրինսլուի մոտ ալերգիկ ռեակցիա է առաջացել։

Բրիտանուհու վիճակն արագորեն վատթարացել է. դեղամիջոցները չեն մեղմել ախտանիշները, և Փրինսլուն անաֆիլակտիկ շոկով տեղափոխվել է հիվանդանոց։ Այնտեղ բժիշկներն փորձել են փրկել նրան, սակայն Ամանորի նախաշեմին աղջիկը մահացել է։ Վշտացած ՄաքՔինոնը վերադարձել է Մեծ Բրիտանիա՝ իր սիրելիի մոխրի հետ: Այժմ նա ցանկանում է մարդկանց կրթել ալերգիայի մասին։

«Դա մի բան է, որ մարդիկ չեն կարող վերահսկել, և դա կարող է սպանել նրանց: Ես պարզապես ուզում եմ, որ ինձ լսեն և հասկանան, թե որքան լուրջ է դա»,- եզրափակել է ՄակՔինոնը:

Այս թեմայով Ժողովուրդ, վաղը ժամը 1-ին էստեղից շարժվում ենք, հիմա գնացեք, մալինայով տաք թեյ խմեք. Սրբազան (տեսանյութ) Անգամ Ալիևի հետ թեյ խմելուց չեք կարող նրա հետ այնպիսի համաձայնության գալ, որը կհակասի Մայր օրենքին Բաքվում թեյ խմելու մասին էինք խոսում, իրենք էլ՝ Սևանում թեյ խմելու մասին, հայելային է ամեն ինչ Ճանապարհը դարձրել են թուրքական «բազար» և կանգնած թեյ են խմում (տեսանյութ) Սննդաբանը զգուշացրել է կոֆեինի վտանգի մասին