Ռուսաստանում Little Big խմբի հիմնադիրը ճանաչվել է օտարերկրյա գործակալ

Ռուսաստանի արդարադատության նախարարությունը «Little Big» խմբի հիմնադիր Իլյա Պրուսիկինին և ևս 4 հոգու ներառել է օտարերկրյա գործակալների ռեգիստրում։ Այս մասին հաղորդվում է գերատեսչության կայքում տեղադրված հրապարակման մեջ։

Նշվում է, որ Պրուսիկինը օգնություն է ստացել արտասահմանյան աղբյուրներից, համերգներ է անցկացրել ոչ բարեկամ երկրներում, որոնց ժամանակ կոչ է արել դադարեցնել Ռուսաստանի հատուկ գործողությունը Ուկրաինայում։ Երաժիշտը նաեւ սուտ տեղեկություններ է տարածել պետական ​​իշխանությունների գործունեության մասին։

Հաղորդվում է, որ ցուցակի բոլոր անձինք ապրում են արտերկրում։