Բայդենը «բռնվել է» սուտ խոսելիս

ԱՄՆ նախագահ Ջո Բայդենը «բռնվել է» 2001 թվականի սեպտեմբերի 11-ի ահաբեկչությունից հետո Նյու Յորք մեկնելու մասին ստելիս: Հանրաճանաչ բլոգեր Բենի Ջոնսոնը մատնանշել է Սպիտակ տան ղեկավարի խոսքերի իրականության անհամապատասխանությունը, փոխանցում է РИА Новости-ն։

«Նյու Յորք։ Ես հիշում եմ, որ նայում էի շենքին, որն ընկավ հաջորդ օրը», - ասել է Բայդենը հարձակումների տարելիցի կապակցությամբ ելույթի ժամանակ:

Ամերիկյան վարչակազմի ղեկավարը Համաշխարհային առևտրի կենտրոնի քանդված երկվորյակ աշտարակները համեմատել է դժոխքի դարպասների հետ։ Սակայն, ըստ Հանրապետական ​​ազգային կոմիտեի, Բայդենը 2001 թվականի սեպտեմբերի 12-ին Սենատի նիստի համար մեկնել էր Վաշինգտոն, և ոչ թե Նյու Յորք:

2022 թվականի սեպտեմբերի 10-ին ամերիկյան վարչակազմի ղեկավարը երկարաձգեց 11 տարի առաջ տեղի ունեցած ահաբեկչությունից հետո ԱՄՆ-ում մտցված արտակարգ դրությունը։ 2001 թվականի սեպտեմբերի 11-ին Ալ-Քաիդա խմբավորման 19 ահաբեկիչներ ԱՄՆ-ում առևանգեցին չորս մարդատար ինքնաթիռ։ Դրանցից երկուսն ուղղվեցին դեպի Նյու Յորքի Առևտրի համաշխարհային կենտրոնի երկվորյակ աշտարակներ, ևս երկուսը` Վաշինգտոն: Չորրորդ ինքնաթիռը չհասավ իր նպատակակետին և կործանվեց Փենսիլվանիայի Շենքսվիլ քաղաքի մոտակայքում։ Ահաբեկչությունների զոհ դարձավ 2977 մարդ։