Քարաթափում Հրազդանի կիրճում, «Փարվանա»-ի մոտ. Ճանապարհը միակողմանի փակվել է
Հասարակություն
Սեպտեմբերի 13-ին, ժամը 06։01-ին Ճգնաժամային կառավարման ազգային կենտրոն ահազանգ է ստացվել, որ Երևանի Հրազդանի կիրճում՝ «Փարվանա» ռեստորանային համալիրի մոտակայքում, ճանապարհի երթևեկելի հատված քարեր են թափվել․ անհրաժեշտ է փրկարարների օգնությունը:
ՀՀ ՆԳՆ փրկարար ծառայությունից հայտնում են, որ դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ մոտակա ժայռից տեղի է ունեցել քարաթափում՝ միակողմանի փակելով ճանապարհը:
Փրկարարները քարերը հեռացրել են ճանապարհի երթևեկելի հատվածից. երթևեկությունը երկկողմանի վերականգնվել է:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
