Պարեկները Երեւանում հայտնաբերել են առանձնապես ծանր հանցագործություն կատարելու մեջ մեղադրվող 50-ամյա տղամարդուն

Սեպտեմբերի 13-ին, ՀՀ Ներքին գործերի նախարարության Ոստիկանության Պարեկային ծառայության Երևան քաղաքի գնդում օպերատիվ տեղեկություններ են ստացվել, որ Կենտրոն վարչական շրջանում Opel մակնիշի ավտոմեքենայում միջազգային հետախուզվող կա, հաղորդում է Shamshyan.com-ը: 

Որպեսզի Opel-ը կարճ ժամանակում հայտնաբերեն ու նա չկարողանա տարածքից դուրս գալ, իրականացվում է օպերացիա ու արդեն Վարդանանց փողոցում պարեկները նկատում են կասկածելի Opel-ը և կանգնեցնում։

Պարզվում է, որ ստացված օպերատիվ տեղեկությունները հավաստի էին․ վարորդը, ով Արմավիրի մարզի բնակիչ, 50-ամյա Արաիկ Մ․-ն է, տեղափոխվում է ոստիկանության Մարաշի բաժանմունք։

Կայքի տեղեկություններով՝ նա միջազգային հետախուզման մեջ է գտնվում 2022 թվականի հոկտեմբերից Ռուսաստանի Դաշնության քրեական օրենսգրքի 322 հոդվածի 2-րդ մասի «Ա կետի հատկանիշներով» (թրաֆիքինգ) մեղադրանքով և նրա նկատմամբ խափանման միջոց է ընտրված եղել կալանքը։

Ավտոմեքենան նույնպես տեղափոխվում է ոստիկանության Մարաշի բաժանմունք։