ԱՄՆ-ը պետք է ընդլայնի պաշտպանության և անվտանգության ոլորտում աջակցությունը Հայաստանին․ Յուրի Քիմ

Միացյալ Նահանգները կարծում է, որ դեռ վաղ է դատել, թե արդյոք Հայաստանը փոխել է իր հարաբերությունները Ռուսաստանի հետ, սակայն Վաշինգտոնը դրան է ձգտում, ասել է ԱՄՆ պետքարտուղարի եվրոպական և եվրասիական հարցերով տեղակալի պաշտոնակատար Յուրի Քիմը։

Ինչպես հաղորդում է ՏԱՍՍ-ը, Կոնգրեսի արտաքին հարաբերությունների հանձնաժողովում կայացած լսումների ժամանակ նա բարձրացրել է Հայաստանի հետ երկկողմ հարաբերությունների հարցը։

«Մենք պետք է մեծացնենք Հայաստանին տրամադրվող օգնության շրջանակը՝ լինի դա զարգացման համար աջակցություն, պաշտպանական գործընկերություն, անվտանգության ոլորտում աշխատանք»,- նշել է Յուրի Քիմը։

Պետքարտուղարության խոսնակը կոչ է արել ընդլայնել օգնությունը «հնարավորության սահմաններում»:

Նա նշել է, որ հանրապետությունն այլևս չի կարող ՌԴ–ին ընկալել որպես անվտանգության երաշխավոր, իսկ ռուս խաղաղապահները ձախողել են իրենց առաքելությունը Լեռնային Ղարաբաղում։