Ալկոհոլի ազդեցության տակ գտնվող վարորդը Իջևանում ձերբակալվեց
Հասարակություն
Սեպտեմբերի 17-ին, գիշերվա ժամը 2-ի սահմաններում, ծառայություն կատարելու ժամանակ Տավուշի պարեկները, Իջևանի Մետաղագործների փողոցում կանգնեցրել են «Օպել» մակնիշի մի մեքենա: Վարորդը, սակայն, չի ենթարկվել իրենց կողմից տրանսպորտային միջոցը կանգնեցնելու օրինական պահանջին: Սկսվել է հետապնդում, և օգնության հասած ևս երկու կարգախմբերի հետ մեքենան կանգնեցվել է: Այս անգամ էլ «Օպելի» վարորդը, փորձելով դիմել փախուստի, մեքենան հետընթաց վարել ու հարվածել է պարեկային ծառայողական մեքենային:
35-ամյա վարորդը, որ գտնվում էր ալկոհոլի ազդեցության տակ, ձերբակալվել և, մեքենայով հանդերձ, տեղափոխվել է ոստիկանության Իջևանի բաժին:
Տավուշի մարզային քննչական վարչությունում սեպտեմբերի 17-ին նախաձեռնված քրեական վարույթի շրջանակներում վարորդը ձերբակալվել և տեղափոխվել է ձերբակալվածների պահման վայր:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
