ՀՀ պետական բյուջեի պակասուրդը

2011 թվականի հունվար-նոյեմբեր ամիսների ընթացքում ՀՀ պետական բյուջեն կատարվել է շուրջ 38.1 մլրդ դրամ պակասուրդով' կազմելով տարեկան ծրագրով նախատեսված 97.7 մլրդ դրամի ընդամենը 39%-ը: Նշենք, որ նշված ցուցանիշը հիմնականում պայմանավորված է այն հանգամանքով, որ տարեկան ծրագրով նախատեսված պետական բյուջեի ազատ միջոցներից 62.6 մլրդ դրամ օգտագործելու փոխարեն օգտագործվել է ընդամենը 24.5 մլրդ դրամ: Անցած ժամանակահատվածում պետական բյուջեի պակասուրդի ներքին ֆինանսավորումը կազմել է 46.7 մլրդ դրամ, արտաքին ֆինանսավորումը' -8.7 մլրդ դրամ:

Պակասուրդի ֆինանսավորման ներքին աղբյուրներում շուրջ 27.7 մլրդ դրամ են կազմել փոխառու միջոցները, 19.1 մլրդ դրամ' ֆինանսական ակտիվները: Մասնավորապես' 29.3 մլրդ դրամ է ստացվել գանձապետական պարտատոմսերից' կազմելով տարեկան ծրագրի 97.6%-ը: Մուրհակների մարման նպատակով ծրագրով նախատեսված վճարումները կատարվել են 99.7% ով' կազմելով 185.7 մլն դրամ: 1.4 մլրդ դրամ ուղղվել է <<ՎՏԲ Հայաստան>> ՓԲԸ-ից ստացված վարկի մարմանը, որն ամբողջությամբ հատկացվել է:

Անցած ժամանակահատվածում ՀՀ ռեզիդենտներին պետական բյուջեից տրամադրվել են 11.4 մլրդ դրամի վարկեր' կազմելով տարեկան ծրագրի 92.5%-ը: Նշված գումարից շուրջ 11.3 մլրդ դրամը տրամադրվել է Ռուսաստանի Դաշնության կողմից Հայաստանի Հանրապետությանը 2009 թվականին տրամադրված պետական վարկի միջոցներից, որից 7.5 մլրդ դրամը' գյուղատնտեսական վարկերի տրամադրման նպատակով, շուրջ 1.8 մլրդ դրամը' «Հայաստանի փոքր և միջին ձեռնարկատիրության զարգացման ազգային կենտրոնե հիմնադրամի կողմից հիմնադրված վարկային կազմակերպությանը, 1 մլրդ դրամը' տնտեսության կայունացման վարկավորման ծրագրի 1 ին բաղադրիչի ֆինանսավորման նպատակով' «Համակարգիչ բոլորի համարե ծրագրի շրջանակներում, 936.7 մլն դրամը' <<Ներմուծում' ազատ շրջանառության համար>> մաքսային ռեժիմով մարդատար տրանսպորտային միջոցներ ներմուծող ֆիզիկական անձանց և 50.6 մլն դրամ' <<Ռադիոիզոտոպների արտադրության կենտրոն>> ՓԲԸ-ին: Տեղական կենսապարարտանյութերի արտադրությունը խթանելու նպատակով անցած ժամանակահատվածում 50 մլն դրամ է տրամադրվել <<ՍԻՍ-95>> ՍՊԸ ին: Շուրջ 110.7 մլն դրամ արտոնյալ պայմաններով տրամադրվել է բռնադատված քաղաքացիներին' անհատական բնակարանային շինարարության վարկավորման նպատակով:

2011 թվականի հունվար-նոյեմբեր ամիսների ընթացքում 6.1 մլրդ դրամ է ստացվել նախկինում տրամադրված ներքին վարկերի վերադարձից' կազմելով տարեկան ծրագրի 73.3%-ը: Հաշվետու ժամանակահատվածում 30.1 մլն դրամ է տրամադրվել բաժնետոմսերում և կապիտալում այլ մասնակցության ձեռքբերման նպատակով, որը կատարվել է տարեկան ծրագրի 23.1%-ի չափով:

Անցած ժամանակահատվածում ՀՀ պետական բյուջեի պակասուրդի արտաքին ֆինանսավորումը կազմել է -8.7 մլրդ դրամ: Մասնավորապես' արտաքին աղբյուրներից ներգրավվել են 25 մլրդ դրամի զուտ փոխառու միջոցներ, 33.6 մլրդ դրամ է կազմել ֆինանսական ակտիվների ցուցանիշը: Հունվար-նոյեմբեր ամիսների ընթացքում արտաքին աղբյուրներից ստացվել են շուրջ 33 մլրդ դրամի վարկային միջոցներ: 8 մլրդ դրամ ուղղվել է արտաքին պարտավորությունների մարմանը, որից 5.3 մլրդ դրամը հատկացվել է Համաշխարհային բանկի աջակցությամբ իրականացվող ծրագրերի գծով պարտքի մարմանը: 1.1 մլրդ դրամ է տրամադրվել Էլեկտրաէներգիայի հաղորդման և բաշխման համակարգի ծրագրի գծով Ճապոնիայի նկատմամբ պարտքի մարմանը, 618.5 մլն դրամ' ԱՄՆ ապրանքային վարկերի մարմանը, 310.9 մլն դրամ' ԳԶՄՀ-ի, 248.1 մլն դրամ' ՎԶԵԲ-ի, 119.3 մլն դրամ' ՕՊԵԿ-ի միջազգային զարգացման հիմնադրամի նկատմամբ ունեցած պարտքի մարմանը, 46.1 մլն դրամ' ԱԷԿ-ի վառելիքի չոր պահպանման համակարգի ծրագրի գծով Ֆրանսիայի նկատմամբ պարտքի մարմանը, 250.3 մլն դրամ' Գերմանիայի Դաշնային Հանրապետության նկատմամբ պարտավորությունների մարմանը:

2011 թվականի հունվար-նոյեմբեր ամիսներին ԼՂՀ ին տրամադրվել է շուրջ 33 մլրդ դրամ միջպետական վարկ' ապահովելով տարեկան ծրագրով նախատեսված հատկացումների 93.2%-ը: Վրաստանի կողմից Հայաստանի նկատմամբ ունեցած վարկային պարտավորությունների գծով կատարվել է 248.3 մլն դրամի վճարում' կազմելով տարեկան ծրագրի 96.8%-ը: Ստացված գումարից 49.1 մլն դրամը նախորդ տարվա պարտավորությունն է և Վրաստանի կողմից փոխանցվել է 2010 թվականի դեկտեմբերին, սակայն գանձապետական միասնական հաշվին մուտքագրվել է ընթացիկ տարվա հունվար ամսին: Բաժնետոմսերի և կապիտալում այլ մասնակցության ձեռքբերմանն ուղղվել է 799.4 մլն դրամ' կազմելով տարեկան ծրագրի 87.8%-ը: Հաշվետու ժամանակահատվածում 134.3 մլն դրամով ավելացել է արտաքին աղբյուրներից ստացված արտաբյուջետային դրամաշնորհային միջոցների մնացորդը:

Պետական բյուջեի եկամուտներում, ծախսերում և պակասուրդի ֆինանսավորման աղբյուրներում ներառված չեն արտաքին աղբյուրներից ֆինանսավորվող նպատակային ծրագրեր իրականացնող գրասենյակներով շրջանառվող միջոցները: