Գաբոնը պահանջել է վերադարձնել 4,4 միլիոն եվրոյով վաճառված դիմակը

Աֆրիկյան հազվագյուտ դիմակի վաճառքի հետ կապված իրավական սկանդալից հետո Գաբոնը պահանջել է գողացված արտեֆակտը վերադարձնել հայրենիք: Այս մասին գրում է BBC News-ը։

Ֆրանսիայից ժամանած 81-ամյա կինը և նրա 88-ամյա ամուսինն իրենց տներից մեկը մաքրելիս հայտնաբերել են աֆրիկյան դիմակ։ Նրանք այն առաջարկել են տեղի հնավաճառին, իսկ մասնագետը արտեֆակտի արժեքը գնահատել է 150 եվրո։ 2022 թվականի մարտին զույգը թերթերից իմացել է, որ իրենց դիմակը աճուրդում վաճառվել է 4,4 միլիոն եվրոյով։ Պարզվել է, որ իրենց տանը պահվել է ֆանգ ազգի գաղտնի համայնքի հազվագյուտ ծիսական դիմակ։ Այն Գաբոնից բերել է տղամարդու պապը, ով 20-րդ դարի սկզբին աֆրիկյան գաղութներից մեկի կառավարիչն է եղել։ Փորձագետների կարծիքով՝ աշխարհում նման դիմակներից քիչ կա, և դրանք «ավելի արժեքավոր են, քան դա Վինչին»։

Ֆրանսիացիները դատի են տվել հնաոճ իրերի վաճառողին՝ մեղադրելով նրան խաբեության մեջ։ Բազմաթիվ լսումներից և մի քանի բողոքարկումներից հետո դատարանը եկել է այն եզրակացության, որ հայցվորները հիմք են ունեցել կասկածելու հնավաճառին անազնվության մեջ և սառեցրել են գործարքից ստացված միջոցները:

Հաղորդվում է, որ Գաբոնի կառավարությունը դիմել է Ֆրանսիայի իշխանություններին դիմակը հայրենիք վերադարձնելու խնդրանքով։ Նրանց խոսքով՝ դիմակը գողացել են ու Գաբոնից ապօրինի դուրս բերել։