ՀՀ ինքնիշխան տարածքի օկուպացիան չի վերացել, առկա են հումանիտար բնույթի խնդիրներ. Միրզոյան
Արտաքին Քաղաքական
Մենք մեծապես կարևորում ենք Գերմանիայի՝ տարածաշրջանում խաղաղություն և կայունություն հաստատելուն ուղղված ջանքերը: Այդ մասին ՀՀ ԱԳՆ-ում կազմակերպված համատեղ ասուլիսի ժամանակ ասաց արտգործնախարար Արարատ Միրզոյանը Գերմանիայի Դաշնային Հանրապետության արտաքին գործերի նախարար Անալենա Բերբոքի հետ հանդիպումից և առանձնազրույցից հետո:
Ասուլիսի ժամանակ Միրզոյանը հիշեցրեց, որ ԼՂ-ի ավելի քան 100 հազար հայեր, ամիսներ շարունակ գտնվելով Ադրբեջանի կողմից «անմարդկային շրջափակման մեջ և հնարավոր ոճրագործության վախի պատճառով», բռնի տեղահանվել են իրենց հայրենիքից:
Զուգահեռ՝ ՀՀ ինքնիշխան տարածքի օկուպացիան չի վերացել, առկա են հումանիտար բնույթի խնդիրներ, Բաքվում անազատության մեջ են պահվում հայ ռազմագերիներ և ապօրինի պատանդառված քաղաքացիական անձինք:
«Ուզում եմ հատուկ ընդգծել, որ չնայած բոլոր բարդություններին, չնայած բոլոր մարտահրավերներին՝ ՀՀ-ն ունի քաղաքական կամք գնալ խաղաղության հասնելու, գնալ խաղաղության հաստատմանը: Մենք դա հնարավոր ենք համարում, և մեր մոտեցումները, մեծ հաշվով, արտահայտված են նաև Գրանադայի քառակողմ հանդիպումից հետո ընդունված հայտարարության մեջ. դրանք շատ պարզ սկզբունքներ են»,- ասաց նախարարը:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
