ԱՍԱԼԱ-ն երբեւէ միջամուխ չի եղել և չի լինելու ՀՀ ներքին քաղաքական պայքար- հակապայքարներում․ հայտարարություն

Օրերս համացանցում հայտնվել է մեր կազմակերպության անունը շոշափող այս տեսանյութը, որը սպառնում է ՀՀ իշխանությանը։

Թեև արևելահայ առոգանությամբ ծիծաղելի արևմտահայերենն ինքնին բացահայտում է տեսանյութը պատրաստողների սադրիչ լինելու իրողությունը, դրանով հանդերձ պետք է ընդգծել, որ.

Թշնամի ուժերի կողմից նյութվող նման սադրանքները, որոնք իրականացվում են հայանուն տարերի ձեռամբ, ինչպես 1999 թվականի հոկտեմբերի 27֊ին, այսօր ևս առ երեւույթ թիրախավորում են ՀՀ օրվա օրինական իշխանություններին, բայց իսկության մեջ դրանք ուղղված են Հայկական պետականության, ՀՀ ինքնիշխանության, ՀՀ տարածքային ամբողջականության եւ ողջ հայության ու նրա միասնության դեմ։

Հայությունը՝ ի Հայաստան եւ ի սփյուռս աշխարհի, գիտակցում է, որ Հայաստանի Հանրապետությունն այսօր դիմագրավում է բազմաթիվ արտաքին մարտահրավերներ և ավելի քան երբևէ նրան անհրաժեշտ են, կայունություն և իհարկե ինքնիշխանության ու պետականամետության սկզբունքներով համահայկական միասնություն:

ՀԱՀԳԲ֊ն, ինչպես ՀՀ անկախությունից ի վեր բազմիցս հստակեցրել է, երբեւէ միջամուխ չի եղել և չի լինելու ՀՀ ներքին քաղաքական պայքար- հակապայքարներում»։

Լուսանկարը՝ CivilNet–ի