ԱՄՆ-ն ու ԵՄ-ն Հայաստանի և անդրատլանտյան դաշնակիցների մերձեցման սխեմա են մշակում

Միացյալ Նահանգները և Եվրամիությունը ցանկանում են մերձեցնել Հայաստանին անդրատլանտյան դաշնակիցների հետ և մշակում են դրա ապահովման սխեմա։ Այս մասին հայտարարել է  Եվրոպայի եւ Եվրասիայի հարցերով պետքարտուղարի օգնական Ջեյմս Օ՛Բրայենը։

«Եվրահանձնաժողովի նախագահ Ուրսուլա ֆոն դեր Լեյենը հրապարակայնորեն հայտարարել է, որ մտադիր է հանդիպում անցկացնել մեր և Հայաստանի հետ՝ նպատակ ունենալով մերձեցնել Հայաստանը մեր համայնքին։ Ես դա քննարկել եմ մի քանի օր առաջ վարչապետի հետ [Նիկոլ Փաշինյան], և մենք պարզում ենք, թե ինչպես դա կարող է տեղի ունենալ»,- ասել է դիվանագետը՝ ելույթ ունենալով ԱՄՆ Ներկայացուցիչների պալատի արտաքին հարաբերությունների հանձնաժողովում՝ Լեռնային Ղարաբաղի շուրջ ստեղծված իրավիճակի վերաբերյալ լսումների ժամանակ։

Նա նշել է, որ դաշնակիցները «ճանապարհի մեջտեղում են» են և տեսնում են, թե ինչպիսին կարող է լինել տնտեսական ապագան։

Պետքարտուղարի օգնականը հավելել է, որ Միացյալ Նահանգները և Եվրոպան նաև աշխատում են Հայաստանի անվտանգության ապահովման լրացուցիչ միջոցների վրա։ «Մենք դիտարկում ենք մեր ունեցած բոլոր գործիքները: Ես չեմ պատրաստվում կանխատեսել պատժամիջոցների վերաբերյալ որոշումներ, բայց դա, իհարկե, մեր զինանոցի մի տարրն է», - ընդգծել է նա: