Հայաստանում մեղմ են տանում տնտեսական ճգնաժամը

«Տնտեսական ճգնաժամը բացասական է ազդում ամբողջ աշխարհի վրա, սակայն Հայաստանում այն մեղմ ենք տանում։ Հաջորդ տարի ևս կարող է մեղմ ազդեցություն թողնել», – այսօր տեղի ունեցած ասուլիսի ժամանակ ասաց ԱԺ ֆինանսավարկային և բյուջետային հարցերի մշակման հանձնաժողովի նախագահ Գագիկ Մինասյանը։

Նա նշեց, որ 2012–ին տնտեսության համար փոխել են գնային կառուցվածքը, սակայն այս տարի բարձր մակարդակ չուներ շինարարության ոլորտը. «Սակայն պետք է լինել լավատես, և անցած ամիսների ամփոփումը հիմքեր է տալիս դրա համար», – նկատեց նա։

Նա նշեց, որ ՀՀ հանքահումքային արտադրության արտահանմանը զուգահեռ կմեծանան նաև դեղագործության և տեխնոլոգիաների արտահանումը։

Տարվա տնտեսական հաջողված ծրագրերից նա առանձնացրեց այն, որ բյուջեի ծրագրերը կատարվել են և երկիրը դուրս է եկել տնտեսական ճգնաժամից, ինչպես նաև այս տարի սկսել է կարևորվել արդյունաբերության և գյուղատնտեսության դերը. «Այս ամենը հույս է ներշնչում», – նշեց Գագիկ Մինասյանը։

Իսկ ձախողված իրադարձությունը շինարարության ճյուղի անկումն էր։ Ըստ նրա՝ այս տարի չհաջողվեց կանխել շինարարության ոլորտի անկումը. «Թույլ չտվեցին այն պահել անցած տարվա մակարդակին», – ասաց նա։