Ճապոնիայում երկրաշարժի զոհերի թիվը գերազանցել է 160-ը

Ճապոնիայում տեղի ունեցած մի շարք երկրաշարժերից հետո զոհերի թիվը հասել է 161-ի, ևս 565-ը լուրջ վնասվածքներ են ստացել, հաղորդում է NHK հեռուստաալիքը։ 

Հեռուստաալիքի տվյալներով՝ Վաջիմա և Սուզու քաղաքում գրանցվել է 70-ական մահ, Անամիզուում՝ 11, Նանաոյում՝  5, Նոտոյում և Շիգայում՝ 2-ական, իսկ Հակուի քաղաքում՝ 1 մահ։

Բացի այդ, Իշիկավա պրեֆեկտուրայի իշխանությունները (աղետի էպիկենտրոնը), հրապարակել են 103 մարդու անուն, որոնց գտնվելու վայրը դեռևս հայտնի չէ։

Հունվարի 1-ին Ճապոնիայի հյուսիս-արևմուտքում մի շարք երկրաշարժեր տեղի ունեցան։ Դրանցից ամենահզորների ուժգնությունը, որի էպիկենտրոնը Նոտո թերակղզում է, հասավ 6,1 մագնիտուդի։ Ուժեղ ցնցումների պատճառով՝ փլուզվեցին տասնյակ տներ, մարդիկ մնացին փլատակների տակ։