WhatsApp-ը նոր ֆունկցիա կունենա

Հանրահայտ WhatsApp մեսենջերը կունենա նոր ֆունկցիա, որը թույլ կտա Android սարքերի օգտատերերին տեսազանգերի ժամանակ էկրանը կիսել զրուցակիցների հետ և միասին դիտել տեսանյութեր և երաժշտություն լսել։ Այս մասին հայտնում է WABetaInfo պորտալը։

«Երբ դուք կիսեք ձեր էկրանը, ձեր սարքում նվագարկվող ձայնը նույնպես կհնչի ձեր գործընկերոջ սարքում», - հայտնում է պորտալը:

Փորձագետներն ընդգծել են, որ օգտատերերը նաև կկարողանան միասին տեսանյութեր դիտել։ «Այս տարբերակը թույլ է տալիս միասին լսել վիդեո նվագարկումը և ստեղծել վիրտուալ ֆիլմերի դիտում», - ավելացրել են փորձագետները:

Ըստ WABetaInfo-ի՝ տեսազանգի ընթացքում աուդիո փոխանակման տարբերակը հասանելի է որոշ բետա փորձարկողների համար, ովքեր ներբեռնում են WhatsApp-ի վերջին բետա թարմացումները Google Play Store-ից: Գործառույթը հասանելի կլինի օգտատերերի ավելի լայն շրջանակի համար առաջիկա շաբաթների ընթացքում:

Դեկտեմբերին հայտնի դարձավ, որ WhatsApp-ը թույլ կտա iOS սարքերի օգտատերերին տեսազանգերի ժամանակ միասին երաժշտություն լսել, երբ միացված է էկրանը «կիսելու» տարբերակը։