Նիկոլ Քիդմանը կասկածվում է պլաստիկ վիրահատություն կատարելու մեջ (լուսանկար)

Դերասանուհի Նիկոլ Քիդմանին կասկածում են  պլաստիկ վիրահատություն կատարելու մեջ։ Աստղի լուսանկարները հայտնվել են Daily Mail-ում։

Պապարացիները նկարել են Նիկոլ Քիդմանին Նյու Յորքում «Babygirl» էրոտիկ թրիլլերի նկարահանումների ժամանակ։ Հոլիվուդյան դերասանուհին հագել է բեժ վերարկու և մոխրագույն սպորտային տաբատ։ Նա լուսանկարվել է արձակված վարսերով և վառ դիմահարդարմամբ։

Աստղի տեսքը զարմացրել է Daily Mail-ի ընթերցողներին։ Համացանցի օգտատերերը սկսել են կասկածել, որ 56-ամյա Նիկոլ Քիդմանը դիմել է պլաստիկ վիրաբույժի օգնությանը։ Նրանց կարծիքով՝ նրա դեմքը այլ տեսք ունի։
 
«Սա ամենավատ բանն է, որ երբևէ տեսել եմ», «Նա անճանաչելի է», «Նա տարօրինակ տեսք ունի», «Ոմանք փորձում են պայքարել ծերության դեմ, բայց միայն ավելի վատ տեսք են ունենում»,- գրել են օգտատերերը։