WhatsApp-ը նոր գործառույթ ունի

Google Play-ում հայտնվել է WhatsApp մեսենջերի նոր բետա տարբերակը, որն աջակցում է հաղորդագրություններում տեքստի ֆորմատավորման գործառույթին։ Այս մասին հայտնում է WABetaInfo պորտալը։

Ըստ ռեսուրսի՝ նոր տարբերակն իրականացվում է կոնտեքստային մենյու հաղորդագրություն խմբագրելիս։ Օգտագործելով ֆորմատավորումը՝ կարող եք մեջբերել գրառումների առանձին հատվածներ, ինչպես նաև դրանք դասավորել համարակալված կամ պարբերակավոր ցուցակներով։ Դա անելու համար օգտվողից կպահանջվի օգտագործել հատուկ նիշեր:

Նախկինում նմանատիպ գործառույթներ են ի հայտ եկել մեկ այլ հայտնի մեսենջերում՝ Telegram-ում:

WhatsApp-ն աշխարհում ամենահայտնի ակնթարթային մեսենջերն է, որը պատկանում է Մարկ Ցուկերբերգի Meta կորպորացիային: 2023 թվականի վերջին ծառայության ամսական ակտիվ օգտատերերի բազան կազմում էր ավելի քան 2,7 միլիարդ մարդ։