Եվրոպայում փողի մեծ խմբաքանակ է ոչնչացվել դիզայնի պատճառով

Ֆրանսիայում փողի մեծ խմբաքանակ է ոչնչացվել սխալ դիզայնի պատճառով։ Եվրոպական իշխանությունների որոշման մասին հայտնում է Politico-ն։

Monnaie de Paris–ը նոյեմբերին թողարկել է նոր դիզայնով 27 միլիոն մետաղադրամ՝ 10, 20 և 50 ցենտ արժեքներով։ Սակայն դրանց դիզայնը չի հաստատվել Եվրահանձնաժողովի կողմից. ավելի ուշ պարզվել է, որ փողի վրա ԵՄ դրոշի աստղերի պատկերները չեն համապատասխանում պահանջներին։

Ֆրանսիայի էկոնոմիկայի նախարարության պաշտոնյան ասել է, որ Monnaie-ն ինքնավար հասարակական ընկերություն է և Ֆրանսիայի վարչակազմի մաս չէ: Ուստի մետաղադրամների հատման ծախսերն իր վրա կվերցնի ընկերությունը, իսկ հարկատուները ստիպված չեն լինի վճարել դրա համար։