ՆԳ նախարարությունը և ԱՄՆ-ը կհամագործակցեն հակակոռուպցիոն ոլորտի շրջանակներում (տեսանյութ)
ՏեսանյութերՀունվարի 30-ին ՆԳ նախարարի տեղակալ Արփինե Սարգսյանն ընդունել է ԱՄՆ պետդեպարտամենտի արդարադատության հարցերով ավագ խորհրդատու Մայքլ Վասկոյին և Երևանում ԱՄՆ դեսպանատան Թմրամիջոցների դեմ պայքարի և իրավապահ համագործակցության քրեական արդարադատության բարեփոխումների ծրագրի ղեկավար Քրիստինա Աֆոյանին: Հայտնում է ՆԳՆ մամուլի ծառայությունը:
«Արփինե Սարգսյանն անդրադարձել է ՆԳ նախարարության ձևավորմանն ու կադրերի ընտրության թափանցիկ և հաշվետու մեխանիզմներին: Հակակոռուպցիոն քաղաքականության վերաբերյալ հարցերի շրջանակում Արփինե Սարգսյանը նշել է, որ այդ ուղղությամբ ՆԳ նախարարությունում ձևավորվել է Ներքին անվտանգության և հակակոռուպցիոն վարչությունը: Նաև ներկայացրել է վարչության գործունեության հիմնական ուղղություններն ու կոռուպցիոն բնույթի հանցագործությունների դեմ պայքարում արձանագրված արդյունքները՝ ընդգծելով կառույցի թափանցիկ գործելաոճի, հանրությանը տեղեկատվության հասանելիության ապահովման առաջնահերթությունը։
Ատեստավորման անցկացման կարգի վերաբերյալ ՆԳ փոխնախարարը նշել է այդ գործընթացում բարեվարքության ստուգման տարբեր բաղադրիչների առկայության, իրականացված ծավալուն աշխատանքի մասին:
Անդրադառնալով նոր ձևավորվող Քրեական ոստիկանությանը՝ Արփինե Սարգսյանը ոստիկանության ոլորտի բարեփոխումներում հատկապես կարևորել է հանցավորության դեմ պայքարում նոր տեխնոլոգիաների ներդրման, անձնակազմի կարողությունների զարգացման, կադրերի համալրման վերաբերյալ հարցերը։
Կիբերհանցավորության, կրիպտոարժույթների, նաև կոռուպցիոն բնույթի հանցագործությունների բացահայտման ուղղությամբ հարցերի քննարկմանը ՆԳ փոխնախարարը կարևորել է ոլորտում նոր տեխնոլոգիաների ու մեխանիզմների ներդրումը:
Հանդիպմանը ամերիկյան կողմը բարձր է գնահատել ՆԳՆ համակարգում իրականացվող բարեփոխումներն ու դրանց արդյունքները, ներկայացրել Հակակոռուպցիոն ռեֆորմներին աջակցող ծրագիրը, որի շրջանակում ԱՄՆ-ը պատրաստակամ է աջակցելու ՆԳ նախարարությանը:
Հանդիպման ավարտին պայմանավորվածություն է ձեռք բերվել սերտորեն աշխատել նախանշված ուղղություններով՝ շարունակելով արդյունավետ համագործակցությունը»,- նշվում է հաղորդագրությունում:
ՈՒՂԻՂ ԵԹԵՐ
Ամենադիտված 
Ինձ ունեզրկելով վախեցնելն անիմաստ է. Չեմ ուզում ձեզ ծանրաբեռնել իմ ու երեխաներիս զգացածով (լուսանկարներ)
