Հնդկաստանում փիղը հարձակվել է զբոսաշրջիկների վրա (տեսանյութ)
ՏեսանյութերՀնդկաստանում զբոսաշրջիկները ցանկացել են լուսանկարվել փղի հետ, որին հանդիպել էին ճանապարհին և զայրացրել նրան։ Միջադեպի տեսանյութը հրապարակել է Daily Mail-ը։
Հստակեցվում է, որ միջադեպը տեղի է ունեցել Հնդկաստանի հարավում գտնվող Բանդիպուր ազգային պարկում հունվարի վերջին։ Երկու տղամարդ իջել են մեքենայից՝ կենդանու հետ լուսանկարվելու համար, սակայն վերջինս կատաղած հարձակվել է նրանց վրա և քիչ է մնացել տրորի։
Կադրերում երևում է, թե ինչպես են զբոսաշրջիկները փախչում: Նրանցից մեկը սայթաքում է՝ հայտնվելով հենց զայրացած փղի ոտքերի տակ, բայց կարողանում է գլորվել ու փախչել անտառ։
Տեսանյութի հեղինակը հրապարակմանը պատմել է, որ վախեցել էր զբոսաշրջիկների համար։ «Տղամարդը, որ ընկավ, միայն հրաշքով կարողացավ փրկվել»,- ասել է նա։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
