Փիղը հարձակվել է գյուղացիների վրա և տրորել բնակիչներից մեկին (տեսանյութ)

Հարավաֆրիկյան Հանրապետության Կրյուգեր ազգային պարկից փիղը փախել է և հարձակվել գյուղացիների վրա՝ ոտնատակ տալով մի տղամարդու։ Այս մասին հայտնում է The Sun-ը։

Միջադեպը տեղի է ունեցել Մացուլու գյուղում։ Կենդանին իրեն ագրեսիվ է պահել, հետապնդել է մարդկանց, քանդել շինություններ։

Գյուղացիներից մեկը չի կարողացել փախչել, փիղը տրորել է նրան։ Ի վերջո ռեյնջերների խմբին հաջողվել է բռնել հսկային։ Տեղի իշխանությունները որոշել են էֆթանազիայի ենթարկել մարդկանց համար վտանգ ներկայացնող կենդանուն։