Հայաստանը եղել և մնում է դաշնակից․ ՀԱՊԿ գլխավոր քարտուղար

Տարածքը, որը սովորաբար անվանում ենք հետխորհրդային, դեռ լի է հակամարտություններով, որոնց մեծ մասը հնացած է: Դրանց զգալի մասը հայտնվել է ՀԱՊԿ պատասխանատվության գոտում։ Այս մասին «Международная жизнь»-ի իր հոդվածում գրել է ՀԱՊԿ գլխավոր քարտուղար Իմանգալի Տասմագամբետովը՝ նշելով, որ իրավիճակը Հարավային Կովկասում և Կենտրոնական Ասիայում հեռու է կայուն լինելուց։ 

«Վերջին տարիներին Հայաստանի և Ադրբեջանի հարաբերությունները և Ղրղզստանի ու Տաջիկստանի սահմանային հակամարտությունը դարձել են ամենախնդրահարույցը»,– նշել է նա։

Անդրադառնալով «Հարավային Կովկասում ստեղծված ծայրահեղ տագնապալի իրավիճակին, մասնավորապես՝ ղարաբաղյան խնդրին», ՀԱՊԿ գլխավոր քարտուղարը նշել է․

«Կազմակերպությունը պատրաստ էր խաղաղապահ առաքելություն ուղարկել հայ-ադրբեջանական սահմանին տիրող իրավիճակին հետևելու համար, սակայն այս աշխատանքի վերջին մասում Երևանը խնդրեց օրակարգից հանել համապատասխան փաստաթուղթը՝ կապված Բաքվի հետ առաջիկա խաղաղության պայմանագրի կնքման հետ։ Միևնույն ժամանակ, Հայաստանի աշխատանքը կազմակերպությունում շարունակվում է, Երևանի բազմակողմ շփումները ՀԱՊԿ շրջանակներում ընթանում են աշխատանքային կարգով, Հայաստանը եղել և մնում է դաշնակից։ ՀԱՊԿ երկրներն իրենց հերթին կենտրոնացած են մնում Հայաստանի Հանրապետության հետ դաշնակցային հարաբերությունների զարգացման վրա։