Այն, ինչ կապված է Արցախի հետ փորձում են կափարիչ դնել վրան ու փակել․ Սամվել Շահրամանյան
Քաղաքական
Այսօր Արցախի նախագահ Սամվել Շահրամանյանը լրագրողների հետ զրույցում անդրադարձել է երկու օր առաջ իր թիկնազորի աշխատակցի` Աշոտ Դանիելյանի ձերբակալման հանգամանքին․
«Կխնդրեի պատասխանատու ուժային մարմիններին` շատ կարճ ժամանակում լուծել Աշոտ Դանիելյանին ազատ արձակելու հարցը, քանի որ այդ գործը շինծու է»,- համոզմունք հայտնեց Շահրամանյանն ու նշեց՝ մեծ հարցեր է առաջացնում նաև այդ ձերբակալության օրինաչափությունը․
«20 հոգով՝ դիմակավորված, քաղաքի կենտրոնում ձերբակալել անձի, որը կապ ունի Արցախի ղեկավարի հետ և ձերբակալել նրան նախագահին սպասարկող մեքենայի միջից․․․»։
Նրա համոզմամբ՝ այս ամենը կապ ունի նրա հետ, որ փորձում են այն, ինչ կապված է Արցախի հետ՝ կափարիչ դնել դրա վրա և փակել այդ հարցը․
«Պետք չէ գնալ այդ ճանապարհով, պետք է գտնել լուծումներ` Արցախի խնդրի, արցախցիների հարցերի լուծման համար։ Իմ կարծիքով, եթե այդ հարցը չստանա արդարացի լուծում, մենք ունենալու ենք այս բաց վերքը և այն միշտ արյունահոսելու է»,- իր խոսքի ավարտին նման տեսակետով հանդես եկավ Արցախի նախագահը։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
