Որակյալ վերելակը հարմարավետ ճանապարհորդություն է՝ թեկուզ և կարճ ժամանակամիջոցում

«Էլ Էս Լիֆտս» (LS Lifts) կազմակերպությունը, համագործակցելով աշխարհի առաջատար վերելակներ արտադրող ընկերությունների հետ, հայ սպառողներին առաջարկում է ժամանակակից և հուսալի մարդատար և բեռնատար վերելակների մեծ ընտրանի՝ բնակելի, կոմերցիոն, բժշկական կենտրոնների և այլ հասարակական շինությունների համար։

ԼՈՒՐԵՐ.com–ը զրուցեց ընկերության բիզնեսի զարգացման պատասխանատու Վահան Բարսեղյանի հետ՝ «Էլ Էս Լիֆտս» կազմակերպության գործունեության մասին:

- Որքա՞ն ժամանակ է, ինչ ընկերությունը գործում է։

- Ընկերությունը հիմնադրվել է 2011 թվականին, սակայն հիմնադիրներն այս բնագավառում ունեն աշխատանքային բազմամյա՝ ավելի քան 25 տարվա փորձ։ Հիմնադիրները վերելակներ են արտադրել և արտահանել ԱՄԷ՝ Դուբայ, բարձրահարկ և կոմերցիոն բարձրահարկ շենքերի և հյուրանոցների համար։

- Կարե՞լի է համագործակցությունը տարբեր ընկերությունների հետ համարել կայացած։

- Մենք համագործակցում ենք վերելակներ և պահեստամասեր արտադրող եվրոպական մի շարք ընկերությունների հետ՝ «Fermator», «Gustav Wolf», «Alberto Sassi», «Monteferro jew Kleemann»։ Սրանցից մի քանիսի հետ ակտիվ բանակցությունների մեջ ենք, և մոտ ապագայում հուսով եմ, «Էլ Էս Լիֆտս» ՍՊԸ–ն հայկական շուկայում կներկայացնի ամբողջ աշխարհին հայտնի այս անունները։

- Ի՞նչով է տարբերվում ընկերության արտադրանքը Հայաստանում ներկայացված մյուս տեսակներից։

- Մեր համոզմամբ հայկական շուկան դեռ բավական հեռու է մրցակցային շուկա լինելուց. թանկ և բարձրորակ վերելակների կողքին վաճառվում են էժան և անորակ չինական և պարսկական վերելակներ։ Ամենազարմանալին այն է, որ Երևանի շատ կառուցապատողներ իրենց «էլիտար» շենքերի համար ձեռք են բերում հենց նմանատիպ ցածր որակի անհասկանալի ծագման ապրանք։ Մեր ընկերությունն ուզում է լրացնել այս բացը՝ առաջարկելով հայ սպառողին որակի և գնի արդար համադրություն։

- Կան արդյոք երաշխիքներ, թե՝ ոչ, և ինչպես են այդ երաշխիքներն ապահովվում։

- Իհարկե կան, ինչպես և ցանկացած տեխնիկա, վերելակը նույնպես պետք է ունենա երաշխիք՝ անկախ վճարված արժեքից։ Իմ կարծիքով Հայաստանում առաջարկվող վերելակների զգալի մասն ուղղակի չունի որևէ երաշխիք։

- Իսկ ձեր ընկերությունը կատարում է արդյոք վերելակների տեղադրում և սպասարկում։

- Այո, իհարկե, ասեմ ավելին՝ մեր ընկերությունում ձեռք բերված յուրաքանչյուր վերելակ կտեղադրվի մեր մասնագետների կողմից։ Կազմակերպությունն առաջատար է նաև հետերաշխիքային սպասարկման փոխշահավետ պայմաններով։

- Ինչ տեսակի վերելակներ է առաջարկում ձեր ընկերությունը։

- Կախված վերելակների ֆունկցիոնալ և տեխնիկական պարամետրերից մենք առաջարկում ենք վերելակներ 450–4000 կգ բեռնատարողությամբ, որոնք նախատեսված են բնակարանների, շենքերի, բիզնես կենտրոնների, հյուրանոցների, բժշկական կենտրոնների և այլ շինությունների համար։ Նշեմ նաև, որ համագործակցելով հայտնի գերմանական ընկերության հետ՝ «ԷԼ ԷՍ Լիֆտս»-ը կարող է առաջարկել նաև գնորդի պահանջին և ճաշակին համապատասխան ցանկացած այլ տարբերակ, որն ընդգրկված չէ ներկայացված մոդելային շարքի մեջ։

- Իսկ ի՞նչ նոր ապրանքով կարող է զարմացնել «Էլ Էս Լիֆտս»-ը իր գնորդին։

- Մեր գնորդին զարմացնել հնարավոր չէ, կամ էլ շատ դժվար. մենք չունենք ակցիաներ, աննախադեպ առաջարկներ, էքսկլյուզիվ վաճառք, կամ VIP սերվիս։ Իսկ եթե ավելի լուրջ, ապա կուզենայի նշել, որ մենք փորձում ենք տալ նոր և հետաքրքիր լուծումներ, հատկապես այն շենքերում և շինություններում, որոնք արդեն կառուցված են և չունեն վերելակի համար նախատեսված տեղ, ինչպես նաև ունենք շենքի մետր քառակուսու խնայողության լրացուցիչ հնարավորություն, օրինակ շենքի արտաքին մակերեսին տեղադրվող և շարժիչային տարածք չզբաղեցնող նոր դիզայնով և գեղեցիկ արտաքինով մարդատար կամ բեռնատար վերելակներ։

- Ո՞րն է ձեր հեռանկարային ծրագիրը և ի՞նչ կմաղթեք ժողովրդին։

- Ինչպես արդեն նշեցի, մենք նպատակ ունենք երկարաժամկետ և փոխշահավետ համագործակցություն ստեղծել մեր և մեր գնորդի միջև։ Բոլոր նրանց, ովքեր կարդում են այս հոդվածը, ես հրավիրում եմ «ԷԼ Էս Լիֆտս»-ի խանութ-սրահ, որը գտնվում է Լենինգրադյան 4/2 հասցեում՝ Մարզահամերգային համալիրի դիմաց (010 38 08 83)։ Մեր մոտ ցուցադրվում են վերելակների և պահեստամասերի բազմաթիվ նմուշներ, որոնք կօգնեն կողմնորոշվել և կատարել ճիշտ ընտրություն։ Օգտվելով ընձեռված հնարավորությունից՝ կուզենայի շնորհավորել ողջ հայ ժողովրդին գալիք Ամանորի և Սուրբ ծննդյան կապակցությամբ՝ մաղթելով, որ նոր տարում վերելքները և վայրէջքները լինեն միայն վերելակներով։