Եկե՛ք խուսափենք տարածաշրջանում հակամարտությունն ընդլայնելու փորձերից․ Հռոմի պապ

Հռոմի պապը կրկին կոչ է արել դադարեցնել կրակը Գազայի հատվածում: Նա խորը վիշտ է հայտնել Իսրայելի ավիահարվածի հետևանքով  «Համաշխարհային կենտրոնական խոհանոց» ՀԿ-ի կամավորների մահվան կապակցությամբ:

Հռոմի պապը հերթական անգամ կոչ է արել ապահովել մարդասիրական օգնության հասանելիությունն ու անհապաղ ազատ արձակել գերիներին:

«Եկե՛ք խուսափենք տարածաշրջանում հակամարտությունն ընդլայնելու անպատասխանատու փորձերից և աշխատենք, որպեսզի որքան հնարավոր է շուտ դադարեցնենք այս և մյուս պատերազմները, որոնք շարունակում են մահ ու տառապանք բերել աշխարհի շատ անկյուններում»,- ասել է Հռոմի պապը: