Թավրիզի Իսլամական արվեստի համալսարանն ու Հայաստանի Ճարտարապետության և շինարարության ազգային համալսարանը համագործակցության համաձայնագիր են կնքել

 Ճարտարապետական ժառանգության վերականգնման ոլորտում կարևորելով կրթագիտական զարգացումը՝ Իրանում Թավրիզի Իսլամական արվեստի համալսարանը և Ճարտարապետության և շինարարության Հայաստանի ազգային համալսարանը կնքել են «Ճարտարապետական ժառանգության վերականգնման ոլորտում համատեղ մագիստրոսական կրթական ծրագրի իրականացման մասին» համագործակցության համաձայնագիր։ 

  «Անփոխարինելի է գիտության, կրթության և մշակույթի ոլորտներում համագործակցության դերը երկկողմ փոխզարգացման գործում։ Այս ուղղությունները երկու երկրների հարաբերություններում հիմք են երկարատև և կայուն զարգացման հարցում։ Մեր բազմաթիվ քաղաքների և մարզերի համալսարանները հաջողությամբ համագործակցում են Հայաստանի Հանրապետության տարբեր համալսարանների հետ, ինչը հավաստում է Իրանում բուհերի բազմազանության մասին։ Լիահույս ենք, որ ճարտարապետական ժառանգության վերականգնման ոլորտում այս համագործակցությունը կլրացնի հաջողված ծրագրերի շարքը»,- «Արմենպրես»-ի փոխանցմամբ՝  ողջունելով ներկաներին ասել է Հայաստանում Իրանի արտակարգ և լիազոր դեսպան Ն․Գ․ Մեհդի Սոբհանին։ 

 Մագիստրոսական համատեղ կրթական ծրագրի նպատակն է ճարտարապետության և շինարարության Հայաստանի ազգային համալսարանի և Թավրիզի Իսլամական արվեստի համալսարանի միջև խթանել գիտակրթական և հետազոտական համագործակցությունը, ինչպես նաև իրականացնել համատեղ գիտակրթական և հետազոտական նախագծեր։ 

 «Գիտության հիմնասյունը որակյալ կրթության ապահովումն է, ինչը հնարավոր է դառնում իրականացնել նաև միջազգային կրթական ծրագրերի ներդրմամբ և տարբեր զարգացած բուհերի հետ համագործակցության աշխարհագրության ընդլայնմամբ։ Բարձր գնահատելով Թավրիզի Իսլամական արվեստի համալսարանի կրթագիտական ներուժը և Իրանի Իսլամական հանրապետության մշակութային դարավոր ավանդույթները՝ համոզված ենք, որ մեր բուհերի միջև վավերացված մագիստրոսական այս ծրագրի շուրջ համագործակցությունը նոր և հետաքրքիր ծրագրերի խթան կհանդիսանան ճարտարապետության ժառանգության վերականգնման ոլորտում թե՛ կրթական, թե՛ կիրառական առումով»,- վավերացնելով համաձայնագիրը՝ իր խոսքում նշել է ՃՇՀԱՀ-ի ռեկտորի ժ/պ, ֆիզմաթ գիտությունների դոկտոր Մանուկ Բարսեղյանը։ 

 Համագործակցությունը սկիզբ է առել 2021-ից ERASMUS + SAH (կարողությունների զարգացումը ճարտարապետական ժառանգության կայունությունը ապահովելու նպատակով) նախագծի շրջանակներում: 

 «Մինչ այս համագործակցության պաշտոնապես վավերացումը մենք երկուստեք իրականացրել ենք լայնածավալ, հետաքրքիր աշխատանք, ունեցել ենք երկարատև քննարկումներ, որպեսզի համագործակցությունը լինի կայուն և երկարակյաց։ Ճարտարապետական ժառանգությունը իր մեջ ընդգրկում է և գիտություն և արվեստ, ինչը նշանակում է, որ այս համագործակցությունը լինելու է ավելի խորքային», շնորհակալություն հայտնելով ջերմ ընդունելության համար՝ ասաց Թավրիզի Իսլամական արվեստի համալսարանի ռեկտոր, դոկտոր Սաջադ Պաքզադին։ 

Այս թեմայով Վերջին 5 ամիսներին աճել է Հայաստանի և Իրանի միջև առևտուրը Հայաստանի օպերայի պատմության մեջ նոր էջ է բացվում՝ աշխարհի ամենահեղինակավոր կառույցի հետ համագործակցությամբ ԱՄՆ-ի Փիթսբուրգ քաղաքը սեպտեմբերի 21-ը հայտարարել է «Հայաստանի ազգային օր» Սեպտեմբորի 27-ին Չինական մեծ պատի մոտ կմեկնարկի Հայաստանի մշակութային օրերը. Արմեն Մխիթարյան Հայաստանի շախմատի տղամարդկանց թիմն Օլիմպիադայում գրավեց 6-րդ տեղը՝ հաղթելով Իրանի ընտրանուն