Caviar-ը ներկայացրել 193 140 դոլար արժեքով iPhone 16-ը՝ հետին վահանակին Rolex Cosmograph Daytona ժամացույցով

Caviar լյուքս-բրենդը արդեն թողարկել է iPhone 16-ի բազմաթիվ անհատականացված տարբերակներ։ Դրանցից մեկը ներկայացվում է Rolex Cosmograph Daytona ժամացույցով, որն ամրացված է դրա հետին վահանակին։ Այս տարբերակը Caviar-ի Grand Complications շարքի մի մասն է։

Իրականում Daytona տարբերակը նոր բան չէ։ Այն թողարկվել է երկու տարի առաջ, iPhone 14-ից հետո։ Նոր տարբերակը նման է բնօրինակին, բացի վերջին iPhone-ից։

Շլացնող iPhone-ը լիովին կաստոմացված հետին վահանակ ունի՝ սեւ եւ ոսկեգույն։ Գլխավոր նորույթը իսկական երկաթե-ոսկե Rolex Cosmograph Daytona ref. 116508-ն է, որը գեղեցիկ ինտեգրված է վահանակին։

Ի լրացում Rolex-ի՝ Caviar-ը ավելացրել է նաեւ արհեստական սարքեր՝ որպես հարգանքի տուրք ժամացույցի ժառանգությանը՝ կապված ավտոմրցարշավների հետ։ Թվացույցները եւ միացնող սարքերը ոգեշնչված են 1930-ականների մրցավազքային մեքենաներից, ներառյալ սըր Մալքոլմ Քեմփբելի Blue Bird կուլտային մեքենան, որը արագության համաշխարհային ռեկորդ սահմանեց Դեյթոնի մրցուղում։

iPhone 16 Daytona-ի գինը սկսվում է 193 400 դոլարից։ Այդ գնով դուք կստանաք միայն iPhone 16 Pro տարբերակը 128 ԳԲ-ով։ Դուք ստիպված կլինեք ավելացնել եւս 1 500 դոլար iPhone 16 Pro Max թոփ տարբերակի համար՝ 1ՏԲ-ով։ Բայց դա Caviar-ի ամենաթանկ iPhone 16-ը չէ։ Այս տիտղոսը բաժին է ընկել Diamond Snowflake White Gold տարբերակին, որի մեկնարկային գինը ավելի քան 570 000 դոլար է

Այս թեմայով Դոլարն ու ռուբլին էժանացել են․ փոխարժեքն՝ այսօր 10 միլիոն դոլար պարգև՝ ընտրությունների վրա ազդելու փորձ կատարած իրանցիների դիմաց Դոլարն ու եվրոն թանկացել են. ինչ փոփոխություններ է արձանագրել տարադրամի շուկան սեպտեմբերի 29-ին Տարադրամի փոխարժեքները սեպտեմբերի 28-ին Դոլարն արժևորվել է․ փոխարժեքն՝ այսօր